घरमा सुतेका रोहितलाई बोलाएर हत्या

समाज

Home
समाज
घरमा सुतेका रोहितलाई बोलाएर हत्या

घरमा सुतेका रोहितलाई बोलाएर हत्या

नेपालगन्ज : नेपालगन्ज-१ धम्बोझी स्थित गायत्री मन्दिर छेउमा एक युवकको हत्या भएको छ । बर्दिया, राजापुर स्थायी निवासी १९ वर्षका रोहित थारुको हत्या भएको हो ।

मन्दिर छेउको खाली जमिनमा मंगलबार(आज ) बिहान ८ बजेतिर स्थानीयले शव देखेपछि प्रहरीलाई खबर गरेका थिए । शव भेटिएको खबर पाए लगत्तै घटनास्थलमा प्रहरी पुगेको थियो ।

मृतक रोहित आफ्नो दिदीका साथ लामो समयदेखि वडा नम्बर-१ धम्बोझीमा बस्दै आएका थिए । बाँके प्रहरी प्रवक्ता एबम डीएसपी मधुसुदन न्यौपानेले प्रारम्भिक अनुसन्धानमा हत्या गरेर फालेको जस्तो नदेखिएको बताए । ‘हाम्रो टोलीले घटनास्थलमा पुगेर अनुसन्धान गरिरहेको छ, प्रारम्भिक अनुसन्धानमा हत्या गरेर फालेकोजस्तो देखिँदैन,’ उनलेे भने ।

मृतककी दिदी सिमा थारुले भाईको हत्या नै भएको दाबी गरेकी छन् । उनलेे भनिन, ‘सोमबार राती सुतीरहेको भाईलाई फोन गरेर बोलाइएको थियो, विहान शव भेटियो ।’ यो सुनियोजित हत्या भएको उनलेे बताइन ।

प्रकाशित मिति: मंगलबार, असोज १९, २०७८ १४:५८

प्रतिक्रिया दिनुहोस्