नेपालगन्ज : नेपाल पत्रकार महासंघका केन्द्रिय अध्यक्ष बिपुल पोखरेलले पाठक बीचको सम्बन्ध जोड्नमा पुस्तकले महत्वपुर्ण तागत राख्ने बताएका छन् । नेपालगन्जमा मंगलबार आयोजित ‘मेरो आदर्श, मेरो विश्वास’ पुस्तक विमोचन समारोहलाई सम्बोधन गर्दै उनले यस्तो बताएका हुन् ।
‘हाम्रो पठन सँस्कृती कमजोर भइराखेका बेला प्रविधीको विकासले पुस्तकसँगको सम्बन्ध विच्छेद गर्दै गाको अवस्था जस्तो छ,’ अध्यक्ष पोखरेलले भने ‘यो बेलामा रुची लाग्ने पुस्तक प्रकाशन गरेर पुस्तक र पाठकका बीचमा सम्बन्ध केही जोड्ने यस्तै महत्वपुर्ण दस्ताबेजले तागत राख्छन् र त्यही तागत राख्ने पुस्तकका रुपमा मेरो आर्दश, मेरो विश्वास पुस्तक आएको छ, भन्ने मलाई लाग्छ ।’ यस्ता सामाग्री आमपाठकका लागि महत्वपुर्ण हुनेमा उनले जोड दिए ।
पोखरेलले भने, ‘म यो पुस्तक प्रकाशन टिम र लेखक जसले आफ्नो मस्तिक मन्थन गरेर त्यो भित्रको गुदी कुरा बाहिर ल्याईदिनु भयो, म धन्यवाद दिन चाहन्छु ।’ राजनीतिशास्त्रका प्राध्यापक डा. जनार्दन आचार्यले राजनीति, प्राध्यापन र कुटनीतिमा रहेको आफ्नो लामो अनुभव समेटेर संस्मरणात्मक ‘मेरो आर्दश, मेरो विश्वास’ पुस्तक लेखेका हुन् ।
सो क्रममा बोल्दै लेखक आचार्यले आफ्नो जीवनका भोगाई, अनुभुती सुनाएका थिए । पुस्तकमा पञ्चायतकालदेखि बहुदलीय प्रजातन्त्र हुँदै गणतान्त्रिक लोकतन्त्रसम्मको नेपाली राजनीतिका घटनाक्रमलाई मसिनोसँग आचार्यले विश्लेषण गरेका छन् । उनी स्वयंम् वामपन्थी राजनीतिमा आबद्ध रहेकाले पनि घटनाक्रमलाई नजिकबाट देखेका छन् । नेपाली राजनीतिको दुई धारका नायक वीपी कोइराला र पुष्पलाल श्रेष्ठसँगका संस्मरण, उनीहरुको आचरण र व्यवहारलाई प्राध्यापक आचार्यले पुस्तकमा उतारेका छन् ।
कार्यक्रममा प्रमुख अतिथी प्राध्यापक घिमिरे, महासंघका अध्यक्ष पोखरेल, वरिष्ठ साहित्यकार सनत रेग्मी, वरिष्ठ पत्रकार पूर्णलाल चुके लगायतले शुभकामना मन्तब्य दिए । विमोचन कार्यक्रममा विभिन्न क्षेत्रका बौद्धिक व्यक्तित्वको उपस्थिति रहेको थियो । पुस्तक क्रियटिभ बुक्सले प्रकाशन गरेको हो ।
यो पनि पढ्नुस् :
प्राध्यापक डा.आचार्यको पुस्तक ‘मेरो आदर्श, मेरो विश्वास’ विमोचन
यसरी गरियो ‘मेरो आदर्श, मेरो विश्वास’ पुस्तक विमोचन-
हेर्नुस् भिडियो :
