रूपन्देही : नेपाली काँग्रेसको प्रथम लुम्बिनी प्रदेश सम्मेलन हुँदैछ । रुपन्देहीको बुटवल सम्मेलन केन्द्रमा अहिले केहीबरेमा प्रदेश सम्मेलन उद्घाटन गरिदैछ । सम्मेलनको पार्टी सभापति एवम् पूर्वप्रधानमन्त्री शेरबहादुर देउवाले उद्घाटन गर्नेछन् ।
सम्मेलनको उद्घाटन शत्रमा पार्टीका नेता डा. शेखर कोइराला, उपसभापति धनराज गुरुङ, महामन्त्री गगनकुमार थापा र विश्वप्रकाश शर्मा, सहमहामन्त्री किशोरसिंह राठौर, पार्टीका केन्द्रीय सदस्यहरु, मुलुकभरका ६ वटा काँग्रेसका प्रदेश सभापति लगायतले सम्बोधन गर्नेछन् । लुम्बिनी प्रदेशका सभापति अमरसिंह पुनले प्रथम प्रदेश सम्मेलनले देशभर नयाँ सन्देश प्रवाह गर्ने बताएका छन् ।
उक्त सम्मेलनमा शनिबार र आइतबार गरी दुई दिनसम्म चल्नेछ । सम्मेलनमा लुम्बिनी प्रदेशका ५२ वटा निर्वाचन क्षेत्रका प्रदेश अधिवेशन प्रतिनिधि, प्रदेश क्षेत्रीय सभापति, क्षेत्रीय सभापति, जिल्ला सभापति, भातृ तथा शुभेच्छुक संस्था अध्यक्ष, प्रदेश समितिका पदाधिकारी सदस्य तथा सल्लाहकार, प्रदेशबाट केन्द्रमा प्रतिनिधित्व गर्ने केन्द्रीय सदस्य तथा पदाधिकारी लगायत गरी ७ सय ५० बढी सम्मेलनमा सहभागी हुदैछन् ।
उद्घाटन शत्रपछि सुरु हुने बन्द शत्रमा राजनीतिक प्रतिवेदन, सांगठनिक प्रतिवेदन, आर्थिक प्रतिवेदन पेश हुनेछ ।
