बाँके(राप्ती सोनारी) : बाँकेको प्रशिद्व धार्मिक तथा पर्यटकीय स्थल दुद्देश्वर महादेव बर्फानी बाबा आश्रममा सोमबार नेपाली काँग्रेसको जम्बो टोली पुगेर दर्शन गरेको छ । ठुलो संख्यामा काँग्रेसका नेता तथा कार्यकर्ता पुगेर दर्शन गरेका हुन् ।
दर्शन गर्न नेपाली काँग्रेसका नेता एवम् क्षेत्र नम्बर १ का निवर्तमान सभापति माधवराम खत्री, राप्ती सोनारी गाउँपालिकाका संस्थापक अध्यक्ष लाहुराम थारु, काँग्रेसका महासमिति सदस्यद्धय महाबीर ओली र लुटबहादुर केसी, महाधिवेशन प्रतिनिधि यमबहादुर खड्का, पार्टीका प्रदेश सभा-१ ‘क’ का सभापति अमरबहादुर बुढाथोकी, क्षेत्र नम्बर १ का सह-सचिव रामबहादुर रावत, क्षेत्रीय सदस्य एवम् संगठन विभाग प्रमुख गोविन्द केसी, पार्टीका राप्ती सोनारी सभापति भिमबहादुर रानाक्षेत्री, नेता हेमकुमार डाँगी पुगेका थिए ।
यस्तै पार्टीका राप्ती सोनारी सचिवद्धय सुरेश डाँगी र सन्तोष चौधरी, सहसचिव मनोजकुमार बैश्य, नेपाली काँग्रेस राप्ती सोनारी १ का सभापति मोहनराज डाँगी, वडा नम्बर २ का सभापति नन्दलाल बस्नेत, वडा नम्बर ४ का सभापति कान्छा थारु, वडा नम्बर ५ का सभापति बालकिशुन थारु, कोहलपुर २ का वडा सभापति यज्ञबहादुर महरा, नेपाल तरुण दल राप्ती सोनारी अध्यक्ष कुलबहादुर केसी, पार्टीका क्षेत्र, प्रदेश सभा, गाउँपालिका तथा वडा समितिका सभापति एवम पदाधिकारी, युवा, महिला लगायत ५० भन्दा बढीको उपस्थिती रहेको थियो ।
यसैगरी नेपाल पत्रकार महासंघ लुम्बिनी प्रदेशका सचीव जयसिंह केसी, नेपाल प्रेस युनियन बाँकेका निवर्तमान अध्यक्ष अर्जुन ओली, सचिव विजय मल्ल लगायत पत्रकारको टोली पनि पुगेको थियो । नेपाली काँग्रेसका महाधिवेशन प्रतिनिधि समेत रहेका राप्ती सोनारी गाउँपालिकाका संस्थापक अध्यक्ष थारुको समन्वयमा उक्त टोली बर्फानी बाबा आश्रममा पुगेको थियो ।
आश्रमले उपस्थित सबैलाई दिवा भोजन गराएको थियो । सोमबारको दिन परेकाले मन्दिरमा पुजा गर्ने र बर्फानी बाबासँग आर्शिवाद लिने भक्तजनको विशेष भिड लागेको हो । राप्ती सोनारी गाउँपालिका वडा नम्बर ४ मा पर्ने उक्त आश्रममा दर्शन गर्न तथा घुम्न जाने सर्बसाधारणको पछिल्लो समयमा ठुलो भिड लाग्ने गरेको छ । भारत र नेपालका विभिन्न ठाउँबाट ठुलो संख्यामा दर्शनार्थीहरु आउने गरेको बताइन्छ ।
