'सामुदायिक बिद्यालयले शैक्षिक गुणस्तरमा ध्यान दिनुपर्छ' : मन्त्री केसी

राजनीति

Home
राजनीति
'सामुदायिक बिद्यालयले शैक्षिक गुणस्तरमा ध्यान दिनुपर्छ' : मन्त्री केसी

'सामुदायिक बिद्यालयले शैक्षिक गुणस्तरमा ध्यान दिनुपर्छ' : मन्त्री केसी

बाँके (ढकेरी) : लुम्बिनी प्रदेश सरकारका शहरी विकास मन्त्री कृष्णा केसी ‘नमुना’ ले सामुदायिक बिद्यालयले भौतिक भन्दा शैक्षिक गुणस्तरमा ध्यान दिनुपर्ने बताएकी छन् । राप्ती सोनारी गाउँपालिका वडा नम्बर ९ ढकेरीमा बिहीबार आधारभुत तह प्रथम वडा स्तरीय खेलकुद छनोट प्रतियोगिता उद्घाटन गर्दै मन्त्री केसीले यस्तो बताएकी हुन् ।

सामुदायिक विद्यालयमा आवश्यक भौतिक संरचना बनाउन सरकार तयार रहेको भन्दै उनले विद्यालयको शैक्षिक गुणस्तर पहिलो प्राथमिकतामा रहने बताइन् । उनले भनिन्, ‘सर्वप्रथम विद्यालयहरूले आफ्नो शैक्षिक गुणस्तरमा ध्यान दिनुपर्छ, त्यसपछि विद्यालयमा भौतिक संरचना आवश्यकता अनुसार सरकारले बनाउँछ,’ मन्त्री केसीले भनिन् ‘सबैभन्दा पहिला शैक्षिक गुणस्तरमाथी उकास्न लाग्नुपर्छ ।’

उनले विद्यार्थीलाई किताबी शिक्षासँगै अतिरिक्त क्रियाकलापमा समेत सहभागी गराउनुपर्नेमा जोड दिइन् । विद्यालयले दिने शिक्षाका साथै त्यहाँको बातावरणले समेत बालबालिकाको भविष्य निर्धारण गर्ने मन्त्री केसीले बताइन् । ‘घरपछि धेरै समय बाल बालिकाहरूले विद्यालयमा बिताउँछन,’ उनले भनिन् ‘विद्यालयको बातावरण र ज्ञानले उनीहरूको भविष्य कस्तो हुन्छ भन्ने कुरामा निर्धारण गर्छ ।’

प्रतियोगिता उद्घाटन कार्यक्रममा राप्ती सोनारी गाउँपालिका वडा नम्बर ९ का वडाअध्यक्ष सोहनलाल चौधरी, विभिन्न राजनीतिक दलका प्रतिनिधि, बिद्यालयका ब्यवस्थापन समिति अध्यक्ष, शिक्षक लगायतको सहभागिता रहेको थियो ।

प्रकाशित मिति: बिहीबार, पुस १९, २०८० १९:४०

प्रतिक्रिया दिनुहोस्