उपचारमा कुनै कमी हुन नदिन मन्त्री नमुनाको निर्देशन

राजनीति

Home
राजनीति
उपचारमा कुनै कमी हुन नदिन मन्त्री नमुनाको निर्देशन

उपचारमा कुनै कमी हुन नदिन मन्त्री नमुनाको निर्देशन

नेपालगन्ज : लुम्बिनी प्रदेशका शहरी विकास मन्त्री कृष्णा केसी ‘नमुना’ ले भालुबाङ बस दुर्घटनाका घाइतेहरूको उपचारमा कुनै कमी हुन नदिन निर्देशन दिएकी छन् । नेपालगन्ज मेडिकल कलेज शिक्षण अस्पताल कोहलपुरमा पुगेर उपचाररत दुर्घटनाका घाइतेको स्वास्थ्य अवस्था बुझ्दै उनले उपचारमा कुनै कमी हुन नदिन निर्देशन दिएकी हुन् ।

दुर्घटनामा घाइते भएकाहरूको शीघ्र स्वास्थ्य लाभको कामना गर्दै मन्त्री केसीले उपचारमा गम्भीर बन्न र उपचारमा कुनै कमी हुन नदिन सम्बन्धित निकायलाई निर्देशन दिइन् । अस्पताल प्रशासन, उपचारमा संग्लन चिकित्सक र बस समितिका प्रतिनिधिलाई मन्त्री केसीले घाइतेहरूको उपचारमा कुनै कमी हुन नदिन आग्रह गरिन् ।

‘बस समितिले घाइतेहरूको उपचार गर्छ र अहिले गरिरहेको पनि छ,’ उनले भनिन् ‘तपाईहरू (चिकित्सक) ले पनि उपचारमा कुनै कमी हुन नदिनुहोला ।’ आर्थिक अभावकै कारण घाइतेहरूको उपचारमा समस्या आउन नदिन समेत मन्त्री केसीले निर्देशन दिइन् ।

मन्त्री केसीले नेपालगन्जबाट काठमाडौं जाँदै गरेको बस दुर्घटनाबाट आफू मर्माहत भएको समेत बताएकी छन् । साथै उनले दुर्घटनामा ज्यान गुमाएकाहरूका परिवारमा शोक व्यक्त गरेकी छन् ।

शिक्षण अस्पताल कोहलपुरमा उपचारत १३ जना घाइतेमध्ये एक जना डिस्चार्ज गरिएको अस्पताल प्रशासनले जनाएको छ । हाल उपचारत १२ जना घाइतेमध्ये एक जनाको अवस्था गम्भीर रहेको छ ।

प्रकाशित मिति: शनिबार, पुस २८, २०८० १७:१२

प्रतिक्रिया दिनुहोस्