मधेस प्रदेशमा आज मनाइदै बलिदानी दिवस

समाज

Home
समाज
मधेस प्रदेशमा आज मनाइदै बलिदानी दिवस

मधेस प्रदेशमा आज मनाइदै बलिदानी दिवस

जनकपुर : मधेस प्रदेश सरकारले शुक्रबार (आज) आठौं बलिदानी दिवस मनाउँदै छ । मधेसमा भएको अधिकार प्राप्ति आन्दोलनको क्रममा ज्यान गुमाएका सहिदहरूको स्मरणमा प्रदेश सरकार गठन भएदेखि औपचारिक रुपमा माघ ५ गतेका दिनलाई बलिदानी दिवसको रूपमा मनाउँदै आएको छ ।

मधेस प्रदेश सरकारले यस पटकको बलिदानी दिवस वीरगञ्जको टाउन हलमा विशेष समारोहको आयोजना गरेर मनाउन लागेको प्रदेशका अर्थमन्त्री सञ्जय कुमार यादवले जानकारी दिएका छन् । शुक्रबार दिउँसो १ बजेबाट कार्यक्रम सुरु हुने उनले बताए ।

बलिदानी दिवसको अवसरमा मधेस आन्दोलनको क्रममा सहादत प्राप्त गरेका सहिद परिवारलाई ३÷३ लाख र घाइते परिवारलाई १ देखि २ लाखसम्म आर्थिक सहयोग गर्ने तयारी रहेको अर्थमन्त्री यादवले जानकारी दिए । उक्त समारोहमा प्रमुख अतिथि (जसपा) अध्यक्ष उपेन्द्र यादव प्रदेश सरकारका मन्त्री, सांसद तथा विभिन्न दलका शीर्ष नेताहरूको उपस्थिती रहने भएको छ । मधेस प्रदेश सरकारले आज उक्त प्रदेशभरी सार्वजनिक बिदा दिएको छ ।

प्रकाशित मिति: शुक्रबार, माघ ५, २०८० १०:३१

प्रतिक्रिया दिनुहोस्