अयोध्या आज राम मन्दिर उद्घाटन

समाज

Home
समाज
अयोध्या आज राम मन्दिर उद्घाटन

अयोध्या आज राम मन्दिर उद्घाटन

नेपालगन्ज : भारत उत्तर प्रदेशस्थित अयोध्यामा नवनिर्मित राम मन्दिरको सोमबार (आज) उद्घाटन गरिदैछ । भगवान रामको मन्दिरमा भव्य समारोहकाबीच प्राण प्रतिष्ठा गर्ने कार्यक्रम रहेको छ । भारतका प्रधानमन्त्री नरेन्द्र मोदीको उपस्थितिमा मन्दिरमा भगवान रामको प्राण प्रतिष्ठाको कार्यक्रम हुनेछ ।

राम जन्मभूमि ट्रस्टले प्राण प्रतिष्ठाको सम्पूर्ण तयारी पूरा भएको जनाएको छ । ट्रष्टका अनुसार प्राण प्रतिष्ठा कार्यक्रम दिउँसो १२ः३५ (भारतीय समय अनुसार १२ः२० देखि १ बजे) बजेदेखि सुरु हुने र १ः१५ बजेसम्म चल्नेछ ।

प्रधानमन्त्री नरेन्द्र मोदीका साथै उत्तर प्रदेशका मुख्यमन्त्री योगी आदित्यनाथ विधि–विधानका साथ प्राण प्रतिष्ठामा सहभागी हुनेछन् । त्यसपछि मन्दिर दर्शनका लागि खोलिनेछ । ट्रस्टले भगवान रामको मूर्तिलाई ११४ घैँटोलाई औषधियुक्त र छुट्टा–छुट्टै तिर्थस्थलबाट ल्याइएको जलले नुहाइने बताएको छ ।

प्राण प्रतिष्ठाको विधि १६ जनवरीका दिन सरयू नदीबाट सुरु भएको थियो र आज उत्तम साइतमा समाप्त हुनेछ । प्राण प्रतिष्ठा समारोहमा सहभागि हुन आमन्त्रित अतिथिहरू अयोध्या पुग्ने क्रम जारी छ । यसमा भारतीय खेलाडी, बलिउड अभिनेता र अभिनेत्री, राजनीतिक दलका नेता, साधुसन्त लगायतका छन् । अयोध्यामा प्राण प्रतिष्ठा कार्यक्रमका लागि सुरक्षा व्यवस्था कडा बनाइएको छ ।

दस हजार सीसीटीभी क्यामरा, आर्टिफिशियल इन्टेलिजेन्सजडित ड्रोनले त्यहाँको गतिविधिमा निगरानी गरिरहेको छ । सात घेराको सुरक्षा व्यवस्था गरिएको अयोध्यामा ठाउँ-ठाउँमा गरेर ११ हजार सुरक्षाकर्मी परिचालन गरिएको छ ।

प्रकाशित मिति: सोमबार, माघ ८, २०८० १०:०६

प्रतिक्रिया दिनुहोस्