एमालेको माग सम्बोधन गर्न प्रधानमन्त्रीलाई तीन दिनको समय दिइयो

राजनीति

Home
राजनीति
एमालेको माग सम्बोधन गर्न प्रधानमन्त्रीलाई तीन दिनको समय दिइयो

एमालेको माग सम्बोधन गर्न प्रधानमन्त्रीलाई तीन दिनको समय दिइयो

काठमाडौं : प्रधानमन्त्री पुष्पकमल दाहाललाई एमालेका माग सम्बोधन गर्न तीन दिन समय दिइएको छ । प्रमुख प्रतिपक्षी एमालेले आफूहरुले उठाएको माग सम्बोधन गर्न प्रधानमन्त्रीलाई समय दिएको हो ।

प्रतिनिधिसभाको शुक्रबार बसेको दोस्रो पटकको बैठकमा विशेष समय लिएर बोल्दै एमालेका सचेतक महेश बर्तौलाले फागुन ६ गतेको बैठकदेखि प्रतिपक्षी दलहरुले उठाएको विषयमा सरकारले जवाफ दिनुपर्ने माग गरे । विपक्षी दलहरुको अवरोधका कारण स्थगित भएको संसद पछि सञ्चालन भएको थियो ।

बैठकमा बर्तौलाले संसदको आगामी बैठकमा मन्त्रीहरुलाई बर्खास्त गरेर आएको छु भन्ने जवाफसहित आउन प्रधानमन्त्रीलाई आग्रह गरेका छन् । विपक्षी दलहरुले बालकुमारी घटनाको जाँचबुझ आयोगले दोषी देखाएका भौतिक पूर्वाधारमन्त्री प्रकाश ज्वालाको राजिनामा मागेका छन् ।

यस्तै अख्तियार दुरुपयोग अनुसन्धान आयोगले बयान लिएका स्वास्थ्य तथा जनसंख्यामन्त्री मोहन बस्नेतको पनि एमालेले राजिनामा मागेको छ ।

प्रकाशित मिति: शुक्रबार, फागुन ११, २०८० १६:५८

प्रतिक्रिया दिनुहोस्