लुम्बिनी प्रदेश सरकारलाई माओवादीको समर्थन फिर्ता

राजनीति

Home
राजनीति
लुम्बिनी प्रदेश सरकारलाई माओवादीको समर्थन फिर्ता

लुम्बिनी प्रदेश सरकारलाई माओवादीको समर्थन फिर्ता

देउखुरी : नेकपा माओवादी केन्द्रले लुम्बिनी प्रदेश सरकारलाई दिएको समर्थन फिर्ता लिएको छ । मुख्यमन्त्री डिल्लीबहादुर चौधरीले माओवादी केन्द्रका दुई जना मन्त्रीलाई बर्खास्त गरेका थिए ।

माओवादी केन्द्रको लुम्बिनी प्रदेश संसदीय दलका नेता जोगबहादुर महरा र प्रमुख सचेतक ईन्द्रजीत चौधरीले सरकारलाई दिएको समर्थन फिर्ता लिएको जानकारी संसदलाई गराएका हुन् ।

लुम्बिनी प्रदेश सभामा सभामुख सहित माओवादी केन्द्रका ११ जना सांसद छन् । केन्द्रमा सत्ता समीकरणमा भएको फेरबदलको असर लुम्बिनी प्रदेशमा पनि देखिएको छ । बर्खास्त हुनेमा माओवादी केन्द्रबाट प्रदेशको अर्थमन्त्री रहेका धनबहादुर मास्की र सहरी विकास मन्त्री बनेकी कृष्णा केसी 'नमुना' रहेका छन ।

मन्त्रीलाई बर्खास्त गरेपछि मुख्यमन्त्री चौधरीले ति मन्त्रालय आफैसँग राखेका छन । माओवादी केन्द्रले सुदुर पश्चिम र गण्डकी प्रदेशमा पनि प्रदेश सरकारलाई दिएको समर्थन फिर्ता लिइसकेको छ ।

प्रकाशित मिति: बुधबार, फागुन २३, २०८० १३:३०

प्रतिक्रिया दिनुहोस्