रञ्जिताको ह्विपविरुद्ध प्रमुख सचेतकले पनि दिए काउण्टर ह्वीप

राजनीति

Home
राजनीति
रञ्जिताको ह्विपविरुद्ध प्रमुख सचेतकले पनि दिए काउण्टर ह्वीप

रञ्जिताको ह्विपविरुद्ध प्रमुख सचेतकले पनि दिए काउण्टर ह्वीप

धनगढी : नागरिक उन्मुक्ति पार्टीभित्रको विवाद उत्र्कषमा पुगेको छ । पार्टीका अध्यक्ष रञ्जिता श्रेष्ठले सुदूरपश्चिम प्रदेशका लागि जारी गरेको ह्विप विरुद्ध पार्टीका प्रमुख सचेतकले अर्को ह्वीप जारी गरेका छन । नाउपा अध्यक्ष श्रेष्ठले मुख्यमन्त्री कमलबहादुर शाहलाई विश्वासको मत नदिन बुधबार ह्विप जारी गरेकी थिइन् ।

उनले जारी गरेको ह्वीप लगत्तै पार्टीका सुदूरपश्चिम प्रदेश सभाका प्रमुख सचेतक खुसीराम डगौराले मुख्यमन्त्री शाहको पक्षमा मतदान गर्न ह्विप जारी गरेका हुन् । नाउपाका सचेतक डगौराले जारी गरेको ह्विपमा मुख्यमन्त्री शाहले आफूमाथि प्रदेश सभाको विश्वास छ भन्ने प्रस्तावको पक्षमा मतदानका लागि अनिवार्य उपस्थित हुन, अनिवार्य मतदान गर्न र तटस्थ नरहन भनिएको छ ।

डगौराको ह्वीपमा राजनीतिक दल सम्बन्धी ऐन २०७३ को दफा २८ बमोजिम निर्देशन (ह्विप) जारी गरिएको उल्लेख गरिएको छ ।

प्रकाशित मिति: बुधबार, चैत २१, २०८० १९:२२

प्रतिक्रिया दिनुहोस्