कोहलपुर : नेपाली कांग्रेस बाँके क्षेत्र नम्बर १ तथा प्रदेश सभा क र खको दोस्रो सम्मेलन कोहलपुरमा सम्पन्न भएको छ । नेपाली कांग्रेसका केन्द्रिय सदस्य डा. शेखर कोइरालाको प्रमुख आतिथ्यतामा सम्मेलन भएको हो ।
सम्मेलनमा विशिष्ट अतिथी एवम् कांग्रेस केन्द्रिय सहमहामन्त्री किशोरसिंह राठौंर, केन्द्रिय सदस्यहरु दीपक गिरी, सञ्जय गौतम, डा. गोपाल दहित, मधु आचार्य, लुम्बिनी प्रदेशका सभापति अमरसिंह पुन, जिल्ला सभापति नारायणप्रसाद गौडेल, लुम्बिनी प्रदेशका सदस्यहरु, पार्टीका महासमिति सदस्य, महाधिवेशन प्रतिनिधी, जिल्ला, क्षेत्र, प्रदेश सभा, स्थानीय तह र वडा तहका सभापति तथा पदाधिकारी, क्षेत्रीय प्रतिनिधी लगायतको उपस्थिती रहेको थियो ।
सम्मेलनमा क्षेत्रीय सचिव जयश्वर पौडेलले सांगठनिक तथा कोषाध्यक्ष धु्रव आचार्यले आर्थिक प्रतिवेदन प्रस्तुत गरेका थिए । क्षेत्र नम्बर १ का सभापति पोषणराज केसीको सभापतित्वमा सम्पन्न सम्मेलन सञ्चालन अर्का क्षेत्रीय सचिव खुमबहादुर बस्नेतले गरेका थिए । सम्मेलनमा क्षेत्र नम्बर १ अन्तरगत पर्ने कोहलपुर नगरपालिका तथा राप्ती सोनारी गाउँपालिका र नरैनापुर गाउँपालिकाबाट क्षेत्रीय प्रतिनिधिहरु सहभागी भएका थिए ।
सम्मेलनको अवसरमा नेपाली कांग्रेस क्षेत्र नम्बर १ ले रक्तदान कार्यक्रम समेत आयोजना गरेको थियो । यस्तै प्रेसर तथा सुगर सम्बन्धी निःशुल्क स्वास्थ्य शिविर पनि गरिएको थियो । आर.एम. हस्पिटल प्रा.लि. कोहलपुरले शिविर आयोजना गरेको हो ।
