सार्वजनिक भएको सदस्यता सूची प्रेस युनियनद्वारा अस्वीकार

राजनीति

Home
राजनीति
सार्वजनिक भएको सदस्यता सूची प्रेस युनियनद्वारा अस्वीकार

सार्वजनिक भएको सदस्यता सूची प्रेस युनियनद्वारा अस्वीकार

नेपालगन्ज : नेपाल पत्रकार महासंघका अध्यक्ष र महासचिवद्वारा हस्ताक्षर गरी सार्वजनिक भएको सदस्यता सूचीप्रति नेपाल प्रेस युनियनले गम्भीर ध्यानाकर्षण भएको जनाएको छ । ‘महासंघको विधान अनुसार शाखा र प्रदेश समितिले पठाएको सदस्य सूचीलाई बेवास्ता गर्दै विधि, प्रक्रिया, विधान मिचेर सार्वजनिक भएको सदस्यता सूची प्रेस युनियनले अस्वीकार गर्दछ,’ महासचिव दिलिप पौडेलले जारी गरेको विज्ञप्तीमा भनिएको छ ।

सक्रिय पत्रकारहरुलाई बाहिर राखेर निश्चित समूहको स्वार्थमा सदस्य थप गरी सार्वजनिक गरिएको सदस्यता अन्यायपूर्ण रहेको युनियनले ठहर गरेको छ । महासंघको विधान र महाधिवेशनको म्यान्डेड अनुसार शाखाबाट सिफारिस भएका सदस्य सूचीलाई महासंघकै संगठन समिति र शुद्धीकरण समितिको संलग्नता बिना नै गलत बाटोबाट सूची तयार पारिएकाले प्रेस युनियनले असहमति जनाएको हो ।

विधान, विधि, प्रक्रिया अनुसार नेपाल पत्रकार महासंघकै शाखाहरु र प्रदेश समितिले पठाएको सदस्यता कायम गर्न युनियनले माग गरेको छ । सदस्यता विवाद निरुपण नगरी युनियनको आग्रहलाई बेवास्ता गर्दै निर्वाचन प्रक्रिया अघि बढेमा उत्पन्न हुने परिस्थितिको जिम्मेवार स्वयं नेपाल पत्रकार महासंघ हुने चेतावनी दिइएको छ । सदस्यता सूचीप्रति युनियन बाँकेले पनि आपत्ती जनाएको छ । युनियन बाँकेका अध्यक्ष प्रियास्मृति ढकाल र सचिव भिष्म लोधले विज्ञप्ती मार्फत आपत्ती जनाएका हुन् ।

प्रकाशित मिति: सोमबार, जेठ १४, २०८१ २२:१९

प्रतिक्रिया दिनुहोस्