सांसद काफ्लेको दमदार प्रस्तुती, 'थारु बिरोधी बजेट ल्याउन पाइँदैन'

राजनीति

Home
राजनीति
सांसद काफ्लेको दमदार प्रस्तुती, 'थारु बिरोधी बजेट ल्याउन पाइँदैन'

सांसद काफ्लेको दमदार प्रस्तुती, 'थारु बिरोधी बजेट ल्याउन पाइँदैन'

नेपालगन्ज : जनता समाजवादी पार्टी नेपालकी लुम्बिनी प्रदेश सांसद अम्बिका काफ्लेले संसद बैठकमा सरकारको नीति तथा कार्यक्रममाथी दमदार रुपले प्रश्न उठाएकी छन् । चौथो अधिवेशनको २० औं बैठकमा उनले स्वास्थ्य क्षेत्रलाई सुधार गर्न प्रदेश सरकारको ध्यानाकर्षण गराएकी हुन् ।

महिलाको पाठेघर मुखको क्यान्सर विरुद्ध लगाइने एचपिभी खोप भ्याक्सिनको लागि थोरै मात्र बजेट रातो किताबमा देखिएको भन्दै एचपिभी सम्बन्धी तालिमका लागि खोपको रकम भन्दा बढी बजेट विनियोजन भएको पाइएको बताइन् । लुम्बिनी प्रदेशको कुल जनसंख्याको लगभग ५२ प्रतिशत जनसंख्या महिलाको भएको जानकारी हुँदा हुदै पनि पाठेघर मुखको क्यान्सर विरुद्धको लागी लगाइने खोपको लागी बजेट विनियोजन गर्न लापरबाही र कन्जुस्याई किन गरियो भन्दै स्वास्थ्य मन्त्रीलाई प्रश्न गरिन् ।

प्रदेश सरकारको नीति तथा कार्यक्रममा पूर्ण सुरक्षित मातृत्व सेवा लेखिएको उल्लेख गर्दै भनिन् ‘लुम्बिनी प्रदेशमा १ लाख बच्चा जन्माउँदा २ सय ७ जना आमाको मृत्यु हुन्छ, जसमध्ये सबैभन्दा बढी मातृ मृत्युदरबाट बाँकेमा बच्चाको मृत्यु हुन्छ । दिगो विकासले प्रति लाखमा ७० जना घटाउनपर्ने निर्देशित गरेको हुँदा हुँदै पनि बजेट विनियोजन गर्दा जनतामुखी नभएर स्वास्थ्यकर्मीमुखी बजेट भएको पाइन्छ,’ सांसद काफ्लेले भनिन् ।

सांसद काफ्लेले अगाडी भनिन्, ‘थारु समुदायलाई लाग्ने सिकलसेल एनिमियाको लागि प्रदेश सरकारको बजेट पर्याप्त भएको पाइदैन, सभामुखको माध्यमले स्वास्थ्य मन्त्रीलाई म प्रश्न गर्न चाहन्छु, थारु बिरोधी बजेट ल्याउन तपाईलाई छुट कस्ले दियो ?’ सांसद काफ्लेले बाँके र बर्दियाका उर्जा, वन तथा वातावरण लगायत अन्य समसामयिक विषयमा पनि दमदार रुपले संसदमा बोलेकी छन् ।

प्रकाशित मिति: बिहीबार, असार १३, २०८१ ००:१४

प्रतिक्रिया दिनुहोस्