‘पर्यटन नीतिमा आवश्यक सुधार गर्न अध्ययन समिति गठन’ : मन्त्री पाण्डे

राजनीति

Home
राजनीति
‘पर्यटन नीतिमा आवश्यक सुधार गर्न अध्ययन समिति गठन’ : मन्त्री पाण्डे

‘पर्यटन नीतिमा आवश्यक सुधार गर्न अध्ययन समिति गठन’ : मन्त्री पाण्डे

नेपालगन्ज : संस्कृति, पर्यटन तथा नागरिक उडड्यन मन्त्री बद्रीप्रसाद पाण्डेले पर्यटन नीतिमा आवश्यक सुधार गर्न अध्ययन समिति गठन गरिएको बताएका छन् । उनले त्यसको गहिरो अध्ययन गरेर तीन महिनाभित्र नीति बनाउने पनि बताए ।

होटल व्यवसायी महासंघ लुम्बिनी प्रदेशको तेस्रो साधारणसभा तथा दोस्रो अधिवेशनको शुक्रबार नेपालगन्जमा उद्घाटन गर्दै मन्त्री पाण्डेले सरकारले समय अनुकूल पर्यटन नीति र कानुन बनाउने उल्लेख गरे । ‘अध्ययन समितिले तीन महिनाभित्र पर्यटन नीतिमा गर्नुपर्ने सुझावसहितको प्रतिवेदन दिनेगरी कार्यगत शर्त तोकिएको छ,’ मन्त्री पाण्डेले भने, ‘पर्यटन ऐन पनि समयसापेक्ष निर्माण गरी यथाशिघ्र कानुन बनाउनेतर्फ लागिपरेका छौं ।’

मन्त्री पाण्डेले लुम्बिनी पर्यटनको क्षेत्रमा विशेष सम्भावना बोकेको प्रदेश भएकाले यहाँको पर्यटन तथा होटल व्यवसायको विकासका लागि सरकारको विशेष चासो रहने बताए । ‘हामी राजनीति गर्नेले राजनीतिक धर्म निर्वाह गर्छौं, होटल तथा पर्यटन व्यवसायीले पनि आफ्नो पवित्र पेशामा धर्म र निष्ठा निर्वाह गर्नुहोस्,’ उनले भने, ‘अतिथीको सत्कार गर्दै हाम्रो संस्कृतिको विशिष्टतालाई उजागारसँगै संस्कृति र प्रकृतिको बजारिकरण गर्नसके होटल तथा पर्यटन क्षेत्र फस्टाउने छ ।’

नेपालको पर्यटन क्षेत्रमा ठूलो लगानीसँगै लाखौँ पर्यटक भित्र्याउने अवसर रहेको उल्लेख गर्दै मन्त्री पाण्डेले आगामी दिनमा सोहीअनुसार सरकारले काम गर्ने बताए । राजनीतिक स्थिरताका लागि कांग्रेस र एमाले बीच सत्ता सहकार्य भएको उनको भनाइ थियो ।

प्रकाशित मिति: शुक्रबार, साउन ११, २०८१ १७:२०

प्रतिक्रिया दिनुहोस्