‘माओवादीको अस्थिर प्रकृतिले गर्दा दुई ठुला दल मिल्ने अवस्था आएको हो’ : युवराज शर्मा

राजनीति

Home
राजनीति
‘माओवादीको अस्थिर प्रकृतिले गर्दा दुई ठुला दल मिल्ने अवस्था आएको हो’ : युवराज शर्मा

‘माओवादीको अस्थिर प्रकृतिले गर्दा दुई ठुला दल मिल्ने अवस्था आएको हो’ : युवराज शर्मा

नेपालगन्ज : राष्ट्रिय सभाका सदस्य युवराज शर्माले माओवादीको अस्थिर प्रकृतिले गर्दा दुई ठुला दल मिल्ने अवस्था आएको टिप्पणी गरेका छन् । ‘माओवादीको अस्थिर प्रकृतिले गर्दा देशमा स्थिरता र संविधान संशोधन गर्नका लागि कांग्रेस र एमाले मिल्नुपर्ने अवस्था आएको हो,’ दूरसञ्चार डटकमसँगको विशेष संवादमा उनले भने ‘संविधान संशोधनको कुरा कुन रुपमा अगाडी बढ्छ त्यो हेर्दै जाउँ ।’

राष्ट्रिय सभाले आफ्नो दायित्व निर्वाह गरिरहेको सदस्य शर्माले बताए । उनले अगाडी थपे, ‘राष्ट्रिय सभाले कानुन निर्माणको आफ्नो दायित्व निर्वाह गरिरहेको छ, राष्ट्रिय सभाले आफ्नो दायित्व निर्वाह गरिरहेकै देख्छु ।’ केही समय अघि सम्पन्न भएको राष्ट्रिय सभा अध्यक्षको निर्वाचनमा कांग्रेसले शर्मालाई आफ्नो उम्मेदवार बनाएको थियो ।

उक्त निर्वाचनमा एमाले, माओवादी लगायत दलको गठबन्धनका सामु कांग्रेसका तर्फबाट एक्लै चुनाव लडेका शर्मा निर्वाचित हुन सकेनन् । सदस्य शर्मा भन्छन्, ‘मलाई एउटै कुरा महसुस हुन्छ, म राष्ट्रिय सभाको अध्यक्ष भईदिएको भए अझ प्रभावशाली ढंगबाट सभा हाँक्ने थिए ।’ त्यतिबेला आफुलाई पार्टीले उम्मेदवार उठाएका कारण चुनाव लडेको प्रष्ट्याए ।

अर्को प्रसंगमा सदस्य शर्माले वर्तमान संघिय सरकार समावेशी खालको नभएको प्रतिक्रिया दिए । सरकारमा एउटा पनि दलित मन्त्री नहुनु विडम्वना भएको बताए । ‘विवादास्पद ब्यक्ति मन्त्री मण्डलमा परेका छन्, त्यो पनि आफैमा राम्रो कुरा होईन,’ उनले थपे । मुलुकमा चर्चामा रहेका जुनसुकै काण्डको पनि छानविन भएर दोषीलाई कारबाही हुनुपर्ने शर्माको माग छ । केही सहकारी सञ्चालकहरु सुुरुदेखी नै योजनावद्ध तरिकाले ठगीमै लागेको पाइएको बताए ।

प्रकाशित मिति: सोमबार, साउन १४, २०८१ २३:३७

प्रतिक्रिया दिनुहोस्