नेपालगन्ज : नेपालगन्जमा बसोवास गर्ने थारु समुदायका महिलाहरुले श्री कृष्ण जवन्माष्टमी पर्व सामूहिक रुपमा मनाउने भएका छन् । नेपालगन्जमा स्थायी रुपमा बसोवास गर्दै आएका र विभिन्न पेशा ब्यावसायमा आबद्ध थारु महिलाहरु श्री कृष्ण जवन्माष्टमीको बर्त बसी एकै ठाउँमा समामूहिक रुपमा पूजा पाठ गर्न लागेका हुन् ।
कृष्ण जन्माष्टमीको अवसरमा उनीहरुले शनिबार सामुहिक दर खाने कार्यक्रम समेत आयोजना गरेका थिए । जवन्माष्टमीको अघिल्लो दिन दर खाने चलन भएपनि नेपालगन्जमा कर्म थालो बनाएर बसोवास गरिरहेका धेरै थारु महिलाहरु विभिन्न पेशा ब्यावसायमा ब्यस्त रहने भएकाले शनिबार नै दर खाने कार्यक्रम सम्पन्न गरिएको घरेलु महासंघ बाँके, महिला उद्यमी समितीका अध्यक्ष सुमित्रा चौधरीले जानकारी दिईन् ।
दर खाने कार्यक्रममा उपस्थित वरिष्ठ साहित्यकार डाक्टर कृणराज सर्वाहारीले थारु समुदायमा कृष्ण जन्माष्टमी पर्वको महत्व बारे प्रकाश पारेका थिए । कृष्ण लिलामा आधारित थारु सख्या गीतका बारेमा विद्यावारिधी समेत गरेका डा. कृष्ण सर्वाहारीका अनुसार कृष्ण लिलामा ब्याख्या गरिएअनुसार राधा ३२ लक्षणले भरिपूर्ण थिईन्, सँधै सोह्रसिंगार गरेर बस्दथिन र उनले स्वादिष्ट खाना बनाउन जान्नुका साथै उनीमा कुनै सीपको कमी थिएन भनिएको छ ।
उनले भने ‘सोही अनुसार थारु महिलाहरु कृषण जन्माष्टमीमा सोह्र सिंगार गरेर राधा जस्तै बनेर ब्रत बस्ने चलन रहेको छ ।’ कृण लिलामा आधारित थारु अष्टीम्कीह्या तथा सख्या गीतमा कृष्ण भगवानका बाबु आमा खेती किसानी गर्ने र हलो जुवा पनि आफै बनाउनेबारे ब्याख्या गरिएको जानकारी दिँदै उनले थारु समुदायपनि पुर्खौंदेख खेती किसानीमा आश्रीत हुँदै आएको बताए ।
जन्माष्टमीको दिन सोमबार निराहार ब्रत बसेर बेलुका एकै ठाउँमा सामूहिक रुपमा कृष्ण कन्हैयाको पूजा पछि थारु भाषामै कृष्ण लिलामा आधारित अष्टिम्कीह्या गित गाएर जाग्राम बस्ने कार्यक्रम रहेको थारु कल्याण कारीणी सभा बाँकेका अध्यक्ष संगिता चौधरीले बताईन् । विभिन्न पेशाा ब्यावसायको शिलशिलामा बाँके, बर्दिया, कैलाली र कञ्चनपुरका थारु महिलाहरु नेपालगन्ज बस्दै आएपनि अन्य चाड पर्वमा सबैजना गाउँघरमै गएर मनाउने भएपनि जन्माष्टमी पर्वमा लामो विदा नहुने भएकाले सामूहिक रुपमा नेपालगन्जमै मनाउन थालिएको थारु महिलाहरु बताउँछन् ।
अन्य पर्वमा बर्त बस्ने र पूजापाठमा खासै चासो नदिने थारु समुदायका महिलाहरु कृष्ण जन्माक्ष्टमी पर्वमा निराहार ब्रत बसी पूर्ण आस्था र विश्वासका साथ पूजापाठ गर्ने चलन रहेको थारु कल्याणकारीणी सभा बाँकेका सचिव विष्णु चौधरीकोे भनाई छ ।
जन्माष्टमीको दिन श्री कृष्ण, पाँच पाण्डव, द्रौपति, सूर्य, चन्द्रमा र प्रकृतिमा पाईने अन्य जीवजन्तु लगायतको चित्र भित्तामा कोरेर पूजा गर्ने चलन रहेको थारु कलाकार मञ्चका वरिष्ठ उपाध्यक्ष लक्ष्मी चौधरीले जानकारी दिईन् ।
