'वर्तमान सरकारको सडकबाट प्रतिकार गर्छौ' : दाहाल

राजनीति

Home
राजनीति
'वर्तमान सरकारको सडकबाट प्रतिकार गर्छौ' : दाहाल

'वर्तमान सरकारको सडकबाट प्रतिकार गर्छौ' : दाहाल

नेपालगन्ज : नेकपा माओवादी केन्द्रका अध्यक्ष पुष्पकमल दाहाल प्रचण्डले वर्तमान सरकारलाई सडकबाट प्रतिकार गर्ने चेतावनी दिएका छन । 'यो सरकार अबैध छ, हामी सडकबाट प्रतिकार गर्छौं, त्यो प्रतिकार शान्तिपूर्ण हुनेछ,’ प्रेस सेन्टर बाँकेले आइतबार बिहान आयोजना गरेको पत्रकार भेटघाटमा उनले भने ।

सरकार गठन प्रक्रिया समेत बैध नभएको दाहालको भनाई छ । सरकार कसले गठन गरेको हो ? भन्ने कुरा देखिसकेकोले यो सरकारको बैधता नभएको बताए । आफू नेतृत्वमा रहँदा संकटमा परेको देशको अर्थतन्त्रलाई माथि उकास्ने काम गरेको र भ्रष्टचारलाई नियन्त्रण गरेको दावि गर्दै भ्रष्टलाई बचाउन यो सरकार बनेको प्रतिक्रिया दिए ।

बेथिति र भ्रष्टाचारलाई बचाउने कोसिस नगर्न उनले सरकारलाई सुझाव दिए । ‘यस विषयमा पार्टीभित्र बहस र छलफल भइरहको छ, प्रचण्डलाई नै नेतृत्वमा देख्न चाहेका छन्ब, यहाँहरुले नयाँ नेतृत्व पाउनुहुनेछ,' उनलेे भने । अर्को प्रसंग्मा उनले भने, ‘आजको मितिमा नेतृत्व हस्तान्तरण त्यति उपयुक्त छैन । मेरा लागि अध्यक्ष पद ठूलो कुरा होइन । अध्यक्षभन्दा म माथि भइसके । टोली बन्यो भने मैले नयाँ भूमिकामा जाने सोँच बनाएको छु’, अध्यक्ष प्रचण्डले भने ।

माओवादी अब जनतामा केन्द्रित हुने उनले बताए । माओवादी जनताकै मुद्दा बोकेर आए र अहिले पनि जनताकै साथमा रहेको दाहालले बताए । पार्टीले आयोजना गरेको प्रशिक्षणलाई सम्बोधन गर्न उनी नेपालगन्ज आएका हुन ।

प्रकाशित मिति: आइतबार, भदौ १६, २०८१ ११:००

प्रतिक्रिया दिनुहोस्