नेपालगन्ज : ‘प्रथम आमन्त्रित अन्तरप्रदेश आइटिएफ तेक्वान्दो खुला प्रतियोगिता’ मा लुम्बिनी प्रदेशले बर्चश्व कायम गरेको छ । बाँकेको खजुरा गाउँपालिका वडा नम्बर २ मा रहेको शुक्र भलिबल स्टेडियममा बुधबारबाट उक्त प्रतियोगिता सञ्चालनमा आएको थियो । प्रतियोगितामा महिलातर्फ २१–२५ केजी तौल समुहमा लुम्बिनी प्रदेशकी राईका चौधरी पहिलो, कर्णाली प्रदेशकी स्मृति बुढा दोस्रो र लुम्बिनी प्रदेशकी कृष्णा सारु मगर तथा कर्णाली प्रदेशकी जेनिशा शाह तेस्रो भएका छन् ।
यस्तै २६–३० केजी समुहमा लुम्बिनी प्रदेशकी दिब्या थापा पहिलो, लुम्बिनी प्रदेशकै पुष्पा थापा दोस्रो र लुम्बिनी प्रदेशकी मानुसी थापा तथा लुम्बिनीकै आरिम बिष्ट तेस्रो भएका छन् । यसैगरी ३१–३५ केजी समुहमा लुम्बिनीकी संगिता खत्री पहिलो, कर्णालीकी सविता नेपाली दोस्रो र लुम्बिनीकै पूर्णिमा सुनार तथा कर्णालीकी कविता नेपाली तेस्रो भएका छन् । त्यस्तै ५०–५६ समुहमा लुम्बिनीकी विनिता बुढा पहिलो, सुदुरपश्चिमकी रुपा धामी दोस्रो र लुम्बिनीकी प्रेरणा विष्ट तथा लुम्बिनीकी लिला घर्तीमगर तेस्रो भएका छन् ।
प्रतियोगितामा पुरुषतर्फ २०–२५ केजी तौल समुहमा लुम्बिनीका अर्पति कठायत पहिलो, कर्णाली प्रदेशका गौरव रोकाय दोस्रो र सुदुरपश्चिमका विपिन कुँवर तथा लुम्बिनीका श्याम खटिक तेस्रो भएका छन् । त्यस्तै ३१–३५ केजी समुहमा लुम्बिनीका शुभम नेपाली पहिलो, सुदुरपश्चिमका शुभम कुँवर दोस्रो र लुम्बिनीका पारश बुढा तथा लुम्बिनीकै फल बिसी तेस्रो भएका छन् ।
त्यसैगरी ३६–४० समुहमा लुम्बिनीका दिपेश पुन मगर पहिलो, लुम्बिनीका विकल्प बस्नेत दोस्रो र लुम्बिनीका मनोज राना तथा लुम्बिनीकै गोपाल सारुमगर तेस्रो भएका छन् । यस्तै ४१–४५ केजी समुहमा सुदुरपश्चिमका भुपेस नाथ पहिलो, लुम्बिनीका रोहन बिष्ट दोस्रो र लुम्बिनीका हिरालाल थापा तथा विप्लव राज पोखरेल तेस्रो भएका छन् ।
त्यसैगरी ४६–५० समुहमा लुम्बिनी प्रदेशका कृष्ण बाल्मिकी पहिलो, कर्णालीका गणेश ओली दोस्रो र लुम्बिनीका मेराज कसगर तथा सुदुरपश्चिमका दिनेश बहादुर बोहरा तेस्रो भएका छन् । त्यस्तै ५१–५५ केजी समुहमा कर्णालीका आयुष नेपाली पहिलो, लुम्बिनीका सन्तोष बुढामगर दोस्रो र सुदुरपश्चिमका भुपेन्द्र ओली तथा सुदुरपश्चिमकै जीवन पनेरु तेस्रो भएका छन् । यसैगरी ५६–६० केजी समुहमा लुम्बिनीका अर्जुन नेपाली पहिलो, लुम्बिनीकै प्रकाश आले दोस्रो र लम्बिनीका सुर्य सुनार तथा कर्णालीका नगेन्द्र सि.सि. तेस्रो भएका छन् ।
प्रतियोगिताका विजेता खेलाडीलाई प्रमुख अतिथी एवम् खजुरा गाउँपालिका अध्यक्ष डम्बरबहादुर बिक, लुम्बिनी प्रदेश खेलकुद परिषद सदस्य डिबी तामाङ, नेपाल अन्तर्राष्ट्रिय तेक्वान्दो महासंघका अध्यक्ष प्रविणकुमार कार्की, मोडेल आइटिएफ तेक्वान्दो दो एकेडेमीका अध्यक्ष होमबहादुर सुनार लगायतले ट्रफी तथा प्रमाणपत्र वितरण गरे । मोडेल आइटिएफ तेक्वान्दो दो एकेडेमीले आयोजना गरेको उक्त प्रतियोगितामा लुम्बिनी, कर्णाली, सुदुरपश्चिम र कोसी प्रदेशका २ सय ८० जना खेलाडी सहभागी भएका थिए ।
