राप्ती नदीमा बाढी सर्तकताको विन्दु नजिक

समाज

Home
समाज
राप्ती नदीमा बाढी सर्तकताको विन्दु नजिक

राप्ती नदीमा बाढी सर्तकताको विन्दु नजिक

फाइल तस्बिर ।

नेपालगन्ज : अविरल वर्षा कारण राप्ती नदीमा आएको बाढी सतर्कताको विन्दु नजिक पुगेको छ । जिल्ला आपातकालीन कार्य सञ्चालन केन्द्र बाँकेका सूचना व्यवस्थापन अधिकृत रुपन ज्ञवालीका अनुसार कुसुम क्षेत्रमा राप्ती नदीको बाढी मापन केन्द्रमा जलसतह खतराको विन्दु ६ मिटर कायम गरिएको छ । बाढी नजिक पुगिसकेकाले हाई अलर्ट जारी गरिएको उनले बताए ।

ज्ञवालीका अनुसार शनिबार बिहान ११ः३० बजे राप्ती नदीमा पानीको सतह ५ मिटर ९१ सेन्टिमिटर पुगेको थियो । राप्ती नदीको उद्गम स्थल प्युठान, रोल्पा क्षेत्रमा लगातार पानी परेकाले नदीको सतह बढेको हो । नदीमा पानीको सतह खतराको तहमा पुग्न थालेकाले तटीय क्षेत्रका बासिन्दालाई सतर्क रहन आग्रह गरिएको ज्ञवालीले बताए ।

‘पानीको सतह बढेपछि नदीको वरिपरिका सबै गाउँ बस्तीमा सतर्क रहने सूचना पठाइएको छ,’ उनले भने । जिल्ला आपातकालीन कार्य सञ्चालन केन्द्रका अनुसार कुसुममा पानीको सतह ७.८ मिटर पुग्ने बित्तिकै खतरा स्वरूप नदी छेउछाउमा साइरन बजाइन्छ । नदीको सतह ७ मिटर ८० सेन्टिमिटर पुगेपछि राप्ती नदी आसपासका दर्जनौँ गाउँहरु डुब्ने जोखिम हुन्छ ।

प्रकाशित मिति: शनिबार, असोज १२, २०८१ २२:१४

प्रतिक्रिया दिनुहोस्