जथाभावी फोहोर फाल्ने अंकित अल्ट्रासाउन्डलाई कारबाही

समाज

Home
समाज
जथाभावी फोहोर फाल्ने अंकित अल्ट्रासाउन्डलाई कारबाही

जथाभावी फोहोर फाल्ने अंकित अल्ट्रासाउन्डलाई कारबाही

नेपालगन्ज : नेपालगन्ज उपमहानगरपालिकाले जथाभावी फोहोर फाल्नेलाई कारबाही गर्न सुरु गरेको छ । सडक तथा सार्वजनिक स्थानमा फोहोर फाल्नेलाई निरुत्साहित गर्ने उद्देश्यले कारबाही गर्न थालिएको हो ।

सडकमा स्वास्थ्यजन्य फोहोर फालेपछि मेडिकललाई जरिवाना गराइएको छ । भेरी अस्पताल अगाडि रहेको अंकित मेडिकल हल तथा अंकित अल्ट्रासाउन्डलाई सडकमा फोहोर फालपछि ५ हजार रुपैयाँ जरिवाना गरिएको नगर प्रहरी प्रमुख प्रहरी निरीक्षक सूर्यबहादुर बोगटीले जानकारी दिए ।

स्वास्थ्य महाशाखा र नगर प्रहरीको टोलीले निरीक्षणका क्रममा सडकमै स्वास्थ्यजन्य फोहोर फालेको पाएपछि 'नेपालगन्ज उपमहानगरपालिकाको फोहोरमैला व्यवस्थापन ऐन २०७५' बमोजिम जरिवाना तिराएर कारबाही गरेको बोगटीले बताए ।

स्वास्थ्य महाशाखा प्रमुख रामबहादुर चन्द, फार्मेसी अधिकृत डा. अस्मित आचार्य तथा नगर प्रहरी प्रमुख बोगटी र नगर प्रहरी सहायक निरीक्षक पवन कनोजियासहितको टोली विहान अनुगमनमा गएको थियो । साताअघि पनि उपमहानगरपालिकाले सार्वजनिक स्थानमा फोहोर फालेपछि नेपालगञ्जस्थित आशिर्बाद पेन्ट्स प्रा.लि.लाई १० हजार रुपैयाँ जरिवाना गरेको थियो ।

नगर प्रमुख प्रशान्त विष्टले जथाभाबी फोहोर फाल्नेलाई कडा कारबाही गरिने उल्लेख गदै फोहोर विरुद्ध शून्य सहनशिलताको नीति अबलम्वन गरिएको बताएका छन ।

प्रकाशित मिति: मंगलबार, मंसिर ११, २०८१ १७:३०

प्रतिक्रिया दिनुहोस्