जथाभावी फोहोर फाल्ने हरि ओम मेडिकललाई जरिवाना

समाज

Home
समाज
जथाभावी फोहोर फाल्ने हरि ओम मेडिकललाई जरिवाना

जथाभावी फोहोर फाल्ने हरि ओम मेडिकललाई जरिवाना

नेपालगन्ज : नेपालगन्ज उपमहानगरपालिकाले जथाभावी फोहोर फाल्ने एक औषधी पसललाई जरिवाना तिराएको छ । सडकमा स्वास्थ्यजन्य फोहोर फालेपछि मंगलबार बिहान त्रिभुवनचोक सदरलाइन स्थित हरि ओम मेडिकल हललाई जरिवाना तिराएको हो ।

सडकमा जथाभावी स्वास्थ्यजन्य फोहोर फोलेपछि पाँच हजार रुपैयाँ जरिवाना गरिएको नगर प्रहरी प्रमुख प्रहरी निरीक्षक सूर्यबहादुर बोगटीले जानकारी दिए । स्वास्थ्य महाशाखा र नगर प्रहरीको टोलीले निरीक्षणका क्रममा सडकमै स्वास्थ्यजन्य फोहोर फालेको पाएपछि नेपालगन्ज उपमहानगरपालिकाको फोहोरमैला व्यवस्थापन ऐन-२०७५ बमोजिम मेडिकल हलका प्रोप्राइटर विनोद कुमार गुप्तालाई जरिवाना तिराएर कारबाही गरेको बोगटीले बताए ।

स्वास्थ्य महाशाखा प्रमुख रामबहादुर चन्द, नगर प्रहरी प्रमुख बोगटी, नगर प्रहरी सहायक निरीक्षक पवन कनोजिया सहितको टोली विहान अनुगमनमा गएको थियो ।

प्रकाशित मिति: मंगलबार, मंसिर १८, २०८१ १४:२७

प्रतिक्रिया दिनुहोस्