नेपालगन्ज गरियो स्लो वाईक प्रतियोगिता

समाज

Home
समाज
नेपालगन्ज गरियो स्लो वाईक प्रतियोगिता

नेपालगन्ज गरियो स्लो वाईक प्रतियोगिता बढ्दो सवारी दूर्घटना न्यूनीकरण सचेतना

नेपालगन्ज : बढ्दो सवारी दूर्घटना न्यूनीकरण सचेतनाका लागि आयोजित नेपालगन्ज स्लो वाईक प्रतियोगिताको पाँचौ संस्करण शनिबार सम्पन्न भएको छ । नेपालगन्जको न्यूरोडमा सम्पन्न पाँचौ नेपालगन्ज स्लो बाईक प्रतियोगिता २०८१ को उपाधी मुश्रीत खानले हात पारेका छन ।

खानले निर्धारित १०० मिटरको दुरी ५ मिनेट १८ सेकेन्टमा पुरा गरी प्रथम स्थान हासिल गर्न सफल भए । प्रतियोगिताको विजेता भएसँगै खानले नगद १५ हजार र प्रमाण पत्र हासिल गरे । यसैगरी प्रतियोगितामा दोश्रो र तेस्रो स्थान क्रमशः दिपक यादव ४ मिनेट ४१ सेकेण्ड र नरेन्द्र कुर्मी ४ मिनेट १० सेकेण्डमा निर्धारित दुरी पार गर्दै हासिल गरेका हुन् भने महिला तर्फ दिक्षा बुढाक्षेत्री ३ मिनेट ५ सेकेण्डमा पार गर्दै हासिल गर्न सफल भएका हुन ।

दोश्रो र तेस्रो स्थान हासिल गर्न सफल प्रतियोगिले क्रमशः नगद रु। १० हजार, ५ हजार र प्रमाण पत्र प्राप्त गरेका छन । नेपालगन्जको न्यूरोडमा भएको प्रतियोगिताको पुरस्कार तथा प्रमण पत्र वितरण कार्यक्रममा बोल्दै कार्यक्रमका प्रमुख अतिथी नेपालगन्ज उपमहानगरपालिका उपप्रमुख कमरुद्धिन राईले सवारी दूर्घटना न्यूनीकरणका लागि गरिएको स्लो बाईक प्रतियोगिताले युवाहरुलाई सचेत र सजग गराउने बताए ।

नेपालगन्ज उपमहानगरपालिकाले समेत सवारी दूर्घटना न्यूनिकरण गर्नका लागि कार्य गरिरहेको बताउँदै बासले उक्त अभियानमा सहयोग पुगेको बताए । उनले यस्ता कार्यक्रम निरन्तर गर्नुपर्नेमा जोड दिए । बासका केन्द्रीय अध्यक्ष लुना बुढाथोकीकोे अध्यक्षतामा भएको प्रतियोगितामा निर्णायकको भूमिका ट्राफिक प्रहरी कार्यालय नेपालगन्जका प्रमुख प्रविण आचार्य, एमएस टे«ड इन्टरनेशनल हिरो शोरुम नेपालगन्जका प्रबन्धक माधब अर्याल र बासका निर्देशक हेमराज भट्टले गरेका थिए ।

बढ्दो सवारी दुर्घटना न्यूनीकरणका लागि जनचेतना जगाउने, ट्राफिक नियमको पालना गरी सीमित गतिमा सवारी चलाउन प्रोत्साहित गर्ने उद्देश्यले आयोजना गरिएको प्रतियोगितामा स्वागत तथा कार्यक्रमको उद्धेश्यमाथि प्रकाश बास नेपालका कार्यकारी निर्देशक नमस्कार शाहले गरेका थिए ।

प्रकाशित मिति: शनिबार, पुस २७, २०८१ २३:१६

प्रतिक्रिया दिनुहोस्