दुबै प्रहरी संगठन सम्बन्धी विधेयक संसदमा पेश

समाज

Home
समाज
दुबै प्रहरी संगठन सम्बन्धी विधेयक संसदमा पेश

दुबै प्रहरी संगठन सम्बन्धी विधेयक संसदमा पेश गृहमन्त्री लेखकले पेश गरे विधेयक

काठमाडौं : नेपाल प्रहरी र सशस्त्र प्रहरी बल सम्बन्धी ऐनलाई संशोधन र एकीकरण गर्न बनेको विधेयक गृह मन्त्रालयबाट संघीय संसद् सचिवालयमा पेश गरिएको छ । गृह मन्त्रालयको नेतृत्व सम्हालेसँगै कानुनी र नीतिगत सुधारलाई प्राथमिकतामा राखेका गृहमन्त्री रमेश लेखकले विभिन्न मन्त्रालय, निकाय र समिति सँगको सहमतिपछि मन्त्रिपरिषद्बाट स्वीकृति लिएर दुवै विधेयक मंगलबार संघीय संसदमा दर्ता गरेका हुन् ।

गृहमन्त्री रमेश लेखकले शान्ति सुरक्षा, अमयन चयन र सुशासनका साथै पद बहालीसँगै आफूले प्रहरी संगठन समयसापेक्ष व्यवस्थित, सुदृढ र क्रियाशील बनाउने विषय प्राथमिकतामा राखेर विधेयक परिमार्जन तथा संशोधनलाई अघि बढाउँदै संघीय संसदमा पेश गरिएको जानकारी दिए ।

प्रहरी ऐन, २०१२ मा व्यवस्था भएका कानुनी प्रावधानलाई समयसापेक्ष परिमार्जन एवं संशोधन गरी नयाँ प्रहरी ऐन तर्जुमा गर्न तथा सर्वोच्च अदालतबाट प्रहरी कर्मचारीको सेवा सर्त सम्बन्धमा विभिन्न मितिमा भएका निर्देशनात्मक आदेश कार्यान्वयन गर्नुका साथै प्रहरी सेवालाई नेपालको संविधान तथा प्रचलित कानून, लोकतन्त्र र कानुनी शासन र मानव अधिकारप्रति प्रतिबद्ध, लैंगिक संवेदनशील, जबाफदेही, उत्तरदायी, प्रभावकारी तथा व्यावसायिक बनाउन विधेयक संसदमा पेश गरिएको छ ।

प्रकाशित मिति: मंगलबार, माघ १५, २०८१ २२:०५

प्रतिक्रिया दिनुहोस्