प्रधानमन्त्री ओलीले भने, ‘कोहलपुरको अतिक्रमित जग्गा सरकारले फिर्ता ल्याउँछ’

राजनीति

Home
राजनीति
प्रधानमन्त्री ओलीले भने, ‘कोहलपुरको अतिक्रमित जग्गा सरकारले फिर्ता ल्याउँछ’

प्रधानमन्त्री ओलीले भने, ‘कोहलपुरको अतिक्रमित जग्गा सरकारले फिर्ता ल्याउँछ’

कोहलपुर : प्रधानमन्त्री केपी शर्माले बाँकेको कोहलपुर नगरपालिका क्षेत्रको अतिक्रमित जग्गा फिर्ता ल्याउने दृढता ब्यक्त गरेका छन् । कोहलपुर-११ स्थित क्रिकेट मैदान र आसपासको नगर विकास समितिको झण्डै २८ विघा जग्गा अतिक्रमणमा परेको छ ।

बाँकेबाट प्रतिनिधित्व गर्ने प्रतिनिधि सभाका सांसद सुर्य ढकाल र कोहलपुर नगरपालिकाका प्रमुख पूर्णप्रसाद आचार्यसहित बाँकेका जनप्रतिनिधि तथा राजनीतिक दलका प्रतिनिधिसँग प्रधानमन्त्री ओलीले जग्गा फिर्ता ल्याएरै छाड्ने दृढता ब्यक्त गरे । मेयर आचार्यले दिएको जानकारी अनुसार प्रधानमन्त्री ओलीले कसैले पनि राज्यको सम्पत्ती अवैध रूपमा अतिक्रमण गर्न नपाउने बताएका थिए । यसका लागि सरकारले अतिक्रमित जग्गा फिर्ता ल्याउन कुनै कसर बाँकी नराख्ने प्रतिवद्धता जनाए ।

अतिक्रमित जग्गा फिर्ता ल्याउनका लागि आवश्यक सहयोग गर्न डेलिगेशन टोलीले प्रधानमन्त्री ओलीलाई बालुवाटारमा पुगेर भेट गरेको थियो । अतिक्रमित जग्गामा बनेका घर तथा टहरा हटाउन जिल्लाको सर्वदलीय बैठकबाट गरिएको आग्रहका आधारमा गृह मन्त्रालयबाट सूचना प्रकाशन हुँदा समेत अटेरी भइरहेको छ । अतिक्रमणकारीलाई कतिपय राजनीतिक दलबाटै संरक्षण भइरहेको आरोप लाग्ने गरेको छ ।

प्रकाशित मिति: आइतबार, माघ २७, २०८१ २२:२१

प्रतिक्रिया दिनुहोस्