अमेरिकी सपना : दाङका पूर्णबहादुर बीच बाटोमै अस्ताए

समाज

Home
समाज
अमेरिकी सपना : दाङका पूर्णबहादुर बीच बाटोमै अस्ताए

अमेरिकी सपना : दाङका पूर्णबहादुर बीच बाटोमै अस्ताए

काठमाडौँ : अमेरिका जाने सपना बोकेर हिँडेका दाङका ३८ वर्षीय पूर्णबहादुर डाँगी बाटोमै अस्ताएका छन् । घानाको राजधानी आक्रामा बुधबार उनको निधन भएको हो । गैरआवासीय नेपाली संघ घानाका अध्यक्ष विकास सुवेदीका अनुसार डाँगीको होटलमा निधन भएको हो । ‘उनका साथीले होटलमा हृदयाघात भएर मृत्यु भएको बताएका छन ।

पोस्टमार्टम रिपोर्ट आइसकेको छैन,’ उनले भने, ‘मृत्यु भएको खास कारण मृत्यु प्रमाणपत्र आइसकेपछि मात्रै खुल्नेछ ।’उनको शव प्रहरी अस्पतालमा राखिएको छ । मलेसियाको रोजगारीबाट फर्केको केही समयपछि डाँगी अमेरिका जान ‘तल्लो बाटो’ हिँडेका थिए । उनका आफन्त तोपेन्द्र डाँगीका अनुसार उनी अमेरिका जान घरबाट हिँडेको तीन वर्ष भएको थियो ।

उनी कहिलेदेखि घाना रोकिएका हुन् भन्ने विषय खुलिसकेको छैन । डाँगीको शव पठाउन एनआरएनले घाना मामिला हेर्ने इजिप्टस्थित नेपाली दूतावाससँग समन्वय गरेको छ ।

प्रकाशित मिति: बिहीबार, फागुन २२, २०८१ २१:५३

प्रतिक्रिया दिनुहोस्