राप्ती सोनारी : राप्ती सोनारी गाउँपालिका ६ नम्बर वडामा आजदेखि निशुलक पशु स्वाथ्य शिविर सञ्चालन गरिएको छ । वडामा रहेका सबै किसिमका पशुहरुको स्वाथ्य उपचारकालागि निशुल्क सिविर सञ्चालन गरिएको हो ।
राप्ती सोनारी ६ जोरैया र मोहनपुर टोलमा गाउँपालिका उपाध्यक्ष मनिशा सिंह थारुले शिविरको उद्घाटन गरिन् । कृषि खर्चकालागि गाउँपालिकाले वडालाई छुट्याएको ५ लाख रुपैयाँ बजेटबाट निशुल्क पशु शिविर सञ्चालन गरिएको राप्ती सोनारी ६ का वडा अध्यक्ष लबराज खरेलले जानकारी दिए ।
५ लाख मध्य यस अघि एक लाख बराबरको बर्सिङ घाँसको बिउ बितरण गरिएको र बाँकी बजेटबाट करिब २३ वटा टोललाई समेट्ने गरी शिविर सञ्चालन गर्न लागेको उनको भनाई छ । उनले यो शिविर पशु प्रवद्र्धन गर्ने उद्देश्यले राप्ती सोनारी ६ को आठ वटा स्थानमा सञ्चालन गर्ने जानकारी दिए ।
शिविरमा जोरैया र मोहनपुर टोलका १ सय ५१ घरधुरीले आफ्ना पशुको स्वाथ्य परिक्षण गराएका गराएको राप्ती सोनारी गाउँपालिका पशु शाखाका प्रमुख जय बहादुर कार्कीले जानकारी दिए ।
शिविरमा स्थानीयले लिएर आएका गाई, भैंसी, भेडा, बाख्रा, कुखुरा, हाँस, कुकुर, बिरालोलगायत सबै किसिमका पशुहरुको स्वाथ्य जाँच गरि देखिएका समस्या अनुसार आवश्यक औधी निशुल्क वितरण गरिएको प्रमुख कार्कीले बताए ।
शिविरमा गाउँपालिकाको पशु प्राविधिक र वडाका पशु प्राविधिकलगायत पशु शाखाका कर्मचारीहरु खटिएको उनले जानकारी दिए । पशुहरुमा आन्तरिक र बह्य परिजिवि पत्ता लगाएर भिटामिन, मिनरल र जुकाको औषधीलागयत निशुल्क वितरण गरिएको प्रमुख कार्कीको भनाई छ ।
