थवाङ गाउँपालिकाका हाकिमसहित सातै जना कर्मचारी सम्पर्कमा

समाज

Home
समाज
थवाङ गाउँपालिकाका हाकिमसहित सातै जना कर्मचारी सम्पर्कमा

थवाङ गाउँपालिकाका हाकिमसहित सातै जना कर्मचारी सम्पर्कमा

रोल्पा : विगत तीन दिनदेखि सम्पर्कविहीन भएका रोल्पास्थित थबाङ गाउँपालिकाका प्रमुख कार्यकारी अधिकृतसहित ७ जना कर्मचारी सम्पर्कमा आएका छन् । उनीहरूले आज बिहान गाउँपालिका अध्यक्ष ऋषि केशव बुढामगरलाई फोन गरेर आफूहरू गुल्मीको दुर्गम गाउँमा रहेको जानकारी दिएका हुन् ।

बुढामगरले कार्यकारी प्रमुखले आफूहरू सकुशल गुल्मीमा रहेको जानकारी दिएको बताए । प्रमुख जिल्ला अधिकारी बासुदेव दाहालले पनि उनीहरू सम्पर्कमा रहेको बताए । उनले भने, ‘मैले हिजो राति १० बजेतिर प्रमुख प्रशासकीय अधिकृतसँग फोनमा कुरा गरेको थिएँ, उहाँहरूले हामी सकुशल छौँ, लिवाङ आउँदैछौँ भन्नुभयो, बिहान पनि फेरि सम्पर्क भएको छ, काम सकेर फर्किंदैछौँ भन्नुभएको छ ।’

सम्पर्कविहीन भएका कर्मचारीहरूमा प्रमुख प्रशासकीय अधिकृत हेमराज घर्तीमगर, सहायक प्रशासन पाँचौँ तहका हरिश माझी, सह–लेखापाल यज्ञप्रसाद कँडेल, सब–इन्जिनियर चन्द्रप्रकाश ओली, निशा आचार्य, खापासटे शिवकुमार वली र सवारी चालक प्रदीप केसी रहेका थिए । थबाङ गाउँपालिका अध्यक्ष बुढामगरले बुधबार नै एक विज्ञप्ति जारी गर्दै कर्मचारी सम्पर्कविहीन भएको जानकारी गराएका थिए ।

प्रकाशित मिति: बिहीबार, असार २६, २०८२ ०९:३६

प्रतिक्रिया दिनुहोस्