भिजिट भिसामा कुवेत जान लागेका ४७ महिलाको उद्धार

समाज

Home
समाज
भिजिट भिसामा कुवेत जान लागेका ४७ महिलाको उद्धार

भिजिट भिसामा कुवेत जान लागेका ४७ महिलाको उद्धार

तस्बिर : एआई

नेपालगन्ज : भारतको राजधानी नयाँ दिल्लीस्थित अन्तरराष्ट्रिय विमानस्थल हुँदै भिजिट भिसामा कुवेत जान लागेको ४७ जना नेपाली महिलालाई नेपाल फर्काइएको छ । दिल्ली विमानस्थलबाट एनओसीबिना कुवेत जान लागेका ति महिलालाई दिल्लीस्थित नेपाली दूतावाससँगको समन्वयमा उद्धार गरिएको हो । उनीहरुलाई स्थलमार्ग हुँदै बिहीबार राति रूपन्देही पुर्याइएको छ ।

दिल्लीस्थित नेपाली दूतावासमा कार्यरत प्रहरी वरिष्ठ उपरीक्षक प्रकाश मल्लसहित दूतावासका कर्मचारीको टिमले महिलाहरूलाई सुनौली नाका हुँदै रूपन्देही पुर्याएर स्थानीय प्रशासनको जिम्मा लगाएको रूपन्देहीका प्रमुख जिल्ला अधिकारी वासुदेव घिमिरेले जानकारी दिएका छन् । प्रजिअ घिमिरेका अनुसार महिलाहरूलाई प्रहरीले काठमाडौँ लैजादैछ ।

उनीहरुको नाम र ठेगाना भने प्रहरीले गोप्य राखेको छ । गृहमन्त्री रमेश लेखकले पक्राउ परेका महिलाको विषयमा कडा अनुसन्धान गर्न प्रहरीलाई निर्देशन दिएका छन् । उक्त विषयमा गृहमन्त्री लेखकले मानव बेचबिखन व्यूरोलाई आवश्यक छानबिन गरी दोषीलाई कारबाहीको दायरामा ल्याउन निर्देशन दिएको गृह मन्त्रालयले जनाएको छ ।

प्रकाशित मिति: शुक्रबार, साउन ९, २०८२ ०८:२९

प्रतिक्रिया दिनुहोस्