कैलाली कारागारभित्र गुण्डा समूहको ‘ग्याङ वार’

समाज

Home
समाज
कैलाली कारागारभित्र गुण्डा समूहको ‘ग्याङ वार’

कैलाली कारागारभित्र गुण्डा समूहको ‘ग्याङ वार’ कारागार कैदी बन्दीको कब्जामा

धनगढी : कैलाली कारागारमा दुई समुहबीच कुटाकुट भएको छ । दुई गुुण्डा समूह बीच कुटाकुट हुँदा एक जनाको मृत्यु हुनुका साथै ४९ जना घाइते भएका छन् ।

शुक्रबार मध्यरातमा सुतिरहेका कैदीको एउटा समूहमाथि अर्को समूहले अन्धाधुन्ध सांघातिक हमला गरेको थियो । यसअघि बिहीबार पनि कैदीहरू बीच एक चरणमा झडप भइसकेको थियो । झडपबाट पाँच जना घाइते भएका थिए । कैलालीमा ‘नन्दु सरकार’ भनिने नवीन रावल र जयन्द्र शाह नेतृत्वका दुई समूह पछिल्लो समय गुण्डागर्दीमा संलग्न रहेको प्रहरीले जनाएको छ ।

यिनै समूहको झगडाको सिलसिलासँग कारागारको घटना जोडिन्छ । उक्त घटनापछि कारागारभित्र सुरक्षाकर्मी प्रवेश गर्न सकेका छैनन् । कैलाली कारागार कैदी बन्दीहरूको कब्जामा रहेको छ । कैदीबन्दीले भित्रबाट ताला लगाएको जेलर रामप्रसाद चौधरीले जानकारी दिए ।

प्रकाशित मिति: शनिबार, साउन २४, २०८२ १७:०१

प्रतिक्रिया दिनुहोस्