ज्ञानोदय सामुदायिक पुस्तकालय कोहलपुर सम्मानित

समाज

Home
समाज
ज्ञानोदय सामुदायिक पुस्तकालय कोहलपुर सम्मानित

ज्ञानोदय सामुदायिक पुस्तकालय कोहलपुर सम्मानित

कोहलपुर : १८ औं पुस्तकालय दिवस–२०८२ को अवसरमा ज्ञानोदय सामुदायिक पुस्तकालय तथा स्रोत केन्द्र कोहलपुर सम्मानित भएको छ । काठमाडौंमा आइतबार आयोजित मूल समारोहमा पुस्तकालय तथा स्रोत केन्द्रलाई सम्मान गरिएको हो ।

कार्यक्रमका प्रमुख अतिथी एवम् सञ्चार तथा सूचना प्रविधि मन्त्री पृथ्वी सुब्बा गुरुङ, शिक्षा विज्ञान तथा प्रविधि मन्त्रालयका सचिव चुडामणि पौडेल लगायतले पुस्तकालयका अध्यक्ष चेतकान्त भट्टराईलाई दोसल्ला ओढाएर सम्मान पत्र हस्तान्तरण गरे ।

यस्तै श्री रत्न पुस्तकालय काठमाडौंले ज्ञानोदय सामुदायिक पुस्तकालय तथा स्रोत केन्द्र कोहलपुरलाई नगद ५० हजारसहित सम्मान गरेको छ । श्री रत्न पुस्तकालय बानेश्वर काठमाडौंका अध्यक्ष शशि बिक्रम राणाले ज्ञानोदय सामुदायिक पुस्तकालय तथा स्रोत केन्द्रका अध्यक्ष भट्टराईलाई नगदसहित सम्मान पत्र हस्तान्तरण गरेका थिए ।

२०५८ सालमा बाँकेको कोहलपुर–११ मा पुस्तकालय तथा स्रोत केन्द्र स्थापना गरिएको हो । पुस्तकालयले समुदायमा ज्ञान, सीप र चेतनाको विकासमा पुर्याएको योगदानको मुल्यांकन गर्दै सम्मान गरिएको उल्लेख गरिएको छ ।

प्रकाशित मिति: आइतबार, भदौ १५, २०८२ १४:०६

प्रतिक्रिया दिनुहोस्