जेन-जी आन्दोलनमा ज्यान गुमाएका सुलभको अन्त्येष्टी, आयुसको भोलि

समाज

Home
समाज
जेन-जी आन्दोलनमा ज्यान गुमाएका सुलभको अन्त्येष्टी, आयुसको भोलि

जेन-जी आन्दोलनमा ज्यान गुमाएका सुलभको अन्त्येष्टी, आयुसको भोलि

तस्बिर : समिरमान श्रेष्ठ

नेपालगन्ज : जेन-जीको प्रदर्शनका क्रममा ज्यान गुमाएका दुई युवाको शव गृहनगर नेपलागन्ज ल्याइएको छ । नेपालगन्ज उपमहानगरपालिका वडा नम्बर १ निवासी २१ वर्षीय सुलभराज श्रेष्ठ र १९ वर्षका आयुस थापाको शव शुक्रबार अपरान्ह नेपालगन्ज ल्याइएको हो ।

नेपालगन्ज ल्याए लगत्तै स्वर्गिय शुलभ र आयुसको शवलाई नगर परिक्रमा गराइएको थियो । सुलभको शवलाई उनले अध्ययन गरेको भेरी इंगलिस मिडियम स्कुलमा राखेर अन्तिम श्रद्धाञ्जली पश्चात धार्मिक विधिपूर्वक शुक्रबार नै अन्त्येष्टी गरिएको छ ।

यस्तै आयुसको शवको अन्त्येष्टी भने शनिबार(भोलि) गरिने भएको छ । स्वर्गिय सुलभलाई श्रद्धाञ्जली दिन तथा अन्येष्टी गर्ने क्रममा हजारौंको सहभागिता रहेको थियो ।

बाँकेको डुडुवा गाउँपालिका वडा नम्बर ५ स्थित राप्ती नदीको सिधनियाघाटमा शुक्रबार बेलुका सुलभको अन्त्येष्टी गरिएको हो । आफन्तका अनुसार सुलभ र आयुस परिवारका एक्ला सन्तान हुन् ।

तस्बिर : अर्जुन ओली