कोहलपुर महोत्सवमा दर्शकको ओइरो

कला/साहित्य

Home
कला/साहित्य
कोहलपुर महोत्सवमा दर्शकको ओइरो

कोहलपुर महोत्सवमा दर्शकको ओइरो

कोहलपुर : कोहलपुरमा जारी कोहलपुर महोत्सव-२०८२ मा शनिबार दर्शकको ओइरो लागेको छ। महोत्सवको चौथो दिन करिव २० हजारभन्दा बढी दर्शकको उपस्थिति भएपछि महोत्सवस्थल मानव सागरले भरिएको आयोजक कोहलपुर उद्योग वाणिज्य संघले जनाएको छ ।

चर्चित कलाकारहरूको प्रस्तुति रहने भएपछि कोहलपुर मात्र नभई आसपासका गाउँ-गाउँबाट दर्शकहरू महोत्सव स्थलतर्फ आकर्षित भएका थिए । चर्चित गायिका शान्तीश्री परियार र भूमिका गिरीसँगै चर्चित गायक कमल वि.सी. माल्दाई, राज कुश्मीले शनिबार आफ्नो सांगीतिक प्रस्तुति दिए, भने नृत्यङ्गना तथा मोडल सुनिता दहितले दर्शकलाई नचाएका थिईन ।

दर्शकको उत्साहजनक सहभागिताका कारण राष्ट्रिय तथा स्थानीय कलाकारहरूले समेत खुलेर प्रस्तुति प्रस्तुत गरेका थिए । यही पुस ९ गतेदेखि सुरु भएको महोत्सवमा यसवर्ष नयाँ प्रयोगका रूपमा ‘जनपरी’ कार्यक्रम समावेश गरिएको छ । साथै, विभिन्न व्यावसायिक स्टल, बाल उद्यान, थारु गाउँ, कृषि प्रदर्शनी तथा विविध मनोरञ्जनात्मक गतिविधिहरूका कारण महोत्सव थप आकर्षणको केन्द्र बनेको छ । महोत्सवकै क्रममा शनिबारदेखि टक शो कार्यक्रमको समेत औपचारिक सुरुवात गरिएको छ ।