नेपालगन्ज : बाँकेको नेपालगन्ज उपमहानगरपालिकामा ‘कार्यस्थलमा हुने यौनजन्य दुव्र्यवहार निवारण आचारसंहिता २०८२’ मस्यौदा तयार गरिएको छ ।
महिला, कानून र विकास मञ्च काठमाण्डौको सहयोगमा सूचना र मानव अधिकार अनुसन्धान केन्द्र नेपालगन्जको प्राविधिक सहयोगमा तयार गरिएको मस्यौदा कार्यान्वयनका लागि बुधबार एक कार्यक्रमका बीच हस्तान्तरण गरिएको हो ।
कार्यक्रममा जिल्ला समन्वय समिति बाँकेका प्रमुख ज्ञनेन्द्र कुमार चौधरीले महिला तथा बालिकाविरुद्ध हुने हिंसा न्युनीकरणका लागि जिल्लाका सबै स्थानीय तहले नीतिगत रुपमा ऐन, कानून र कार्यविधी बनाउनुपर्नेमा जोड दिए । उनले कार्यस्थलमा समेत विभिन्न प्रकृतिका हिंसा हुनेभएकाले यो आचारसंहिताले त्यस्ता घटनालाई नियन्त्रण गर्ने विश्वास व्यक्त गरे ।
नेपालगन्ज उपमहानगरपालिकाका मेयर प्रशान्त विष्टले लैङ्गिक हिंसा न्युनीकरणका लागि उपमहानगरपालिकाले कानूनी रुपमा विभिन्न नीति नियम बनाउदै आएको भन्दै यस्ता घटनालाई नियन्त्रण गर्न तथा पिडितलाई न्याय दिलाउने बताए ।
प्रमुख प्रशासकिय अधिकृत रामहरी शर्माले कार्यालयहरुमा विशेष गरी विभिन्न किसिमका सेवाग्राहीहरु आउने भएकाले यो आचारसंहिता सबैलाई नियमन गर्नमा मद्दत पुरयाउने भएकाले यसलाई तत्काल कार्यान्वयनमा ल्याएर प्रचार प्रसारको कार्य गर्ने प्रतिबद्धता व्यक्त गरे ।
कार्यक्रममा वडा अध्यक्ष राजकुमार साहु, कार्यपालिका सदस्य बसन्तकुमार कनोजिया, संगिता रेग्मी महिला तथा बालबालिका शाखा प्रमुख पवित्रा कुमारी पुरी, शिक्षा शाखा प्रमुख गोर्खबहादुर थापा, प्रशासन शाखा प्रमुख इन्द्र्रबहादुर केसी, सूचना र मानव अधिकार अनुसन्धान केन्द्रका अध्यक्ष अधिबक्ता विश्वजीत तिवारी, महासचिव अधिबक्ता केवलसिंह थारु, कार्यकारी निर्देशक राकेशकुमार मिश्र, नेपाल पत्रकार महासंघ बाँके अध्यक्ष नविन गिरी, महिला कानुन र विकास मञ्चका लेखा प्रमुख सनतोष पौडेल, वडा सदस्य लगायतको उपस्थिती रहेको थियो । त्यस अवसरमा पालिकाकाले ऐन निमार्ण गरेको भन्दै दुबै संस्थालाई सम्मान पत्र प्रदान गरिएको थियो ।
