कास्कीको किम्रुङ खोलामा पहिरो खसेर खोला थुनियो, सुरक्षित स्थानमा जान आग्रह

समाज

Home
समाज
कास्कीको किम्रुङ खोलामा पहिरो खसेर खोला थुनियो, सुरक्षित स्थानमा जान आग्रह

कास्कीको किम्रुङ खोलामा पहिरो खसेर खोला थुनियो, सुरक्षित स्थानमा जान आग्रह

पोखरा : कास्कीको अन्नपूर्ण गाउँपालिका–११ स्थित किम्रुङ खोलामा पहिरो खसेर खोला थुनिएको छ । खोला थुनिएको खबर आएपछि प्रहरीले आसपासका बस्तीका स्थानीयलाई सुरक्षित स्थानमा जान आग्रह गरेको छ ।

जिल्ला प्रहरी कार्यालय कास्कीका प्रमुख (एसपी) नवीन कार्कीले किम्रुङ खोलामा पहिरो खसेर करिब ६ घण्टादेखि खोला थुनिएको जानकारी स्थानीयबाट आएको बताए । उनका अनुसार यसअघि पनि यही खोलामा पहिरो खसेर थुनिएपछि बाढी आएको थियो ।

प्रहरीले नयाँपुल, वीरेठाँटी र आसपासका बस्तीमा माइकिङ गर्दै सम्भावित जोखिमबाट जोगिन र सुरक्षित स्थानमा जान स्थानीयलाई आग्रह गरेको छ ।

उनका अनुसार किम्रुङ खोलामा आएको बाढीले यसअघि वीरेठाँटी क्षेत्रमा सडक कटान गर्नुका साथै पुलसमेत बगाएको थियो । बाढीका कारण घान्द्रुक जाने सडक अहिले पनि अवरुद्ध रहेको प्रहरीले जनाएको छ ।

प्रकाशित मिति: मंगलबार, भदौ २३, २०८३ २१:१५

प्रतिक्रिया दिनुहोस्