कैदीको आत्महत्या प्रकरण छानबिन गर्न अर्को समिति बनाइयो

समाज

Home
समाज
कैदीको आत्महत्या प्रकरण छानबिन गर्न अर्को समिति बनाइयो

कैदीको आत्महत्या प्रकरण छानबिन गर्न अर्को समिति बनाइयो

नेपालगन्ज : गृह मन्त्रालयले रोल्पा कारागार कार्यालयमा जेठ ४ गते कारागारभित्रका कैदी सुन्दर हरिजनको आत्महत्या गरेको घटनाका सम्बन्धमा सत्यतथ्य छानबिन गरी प्रतिवेदन पेस गर्न मन्त्रालयका सहसचिवको नेतृत्वमा समिति गठन गरेको छ ।

मन्त्रालयका सहसचिव सूर्यप्रसाद सेढाईको संयोजकत्वमा पाँच सदस्यीय छानबिन समिति गठन गरिएको हो । गृह मन्त्रीस्तरीय निर्णयबाट गठित समितिलाई ७ दिनभित्र प्रतिवेदन पेस गर्न कार्यादेश दिइएको मन्त्रालयका सूचना अधिकारी वसन्त भट्टराईले जानकारी दिएका छन् ।

समितिमा मन्त्रालयका उपसचिव झंकनाथ ढकाल, नेपाल प्रहरीका उपरीक्षक भूपेन्द्र खत्री, राष्ट्रिय अनुसन्धान विभागका उप-अनुसन्धान निर्देशक विश्वमणि आचार्य र जिल्ला प्रशासन कार्यालय बाँकेका प्रशासकीय अधिकृत सदस्य रहेका छन् । यसअघि हरिजनको आत्महत्या सम्बन्धमा छानबिन गर्न बनाइएको कारागार विभागका निर्देशक झरेन्द्रप्रसाद चापागाइँ नेतृत्वको समितिले सोमबार प्रतिवेदन बुझाइसकेको छ ।

यो पनि पढ्नुस् :

कारागार कर्मचारीको बद्मासी, एउटाको कैद अर्कोसँग असुल

प्रकाशित मिति: मंगलबार, जेठ १७, २०७९ २०:०२

प्रतिक्रिया दिनुहोस्