नेपालगन्ज : संविधान दिवसको दिन, असोज ३ गते । अफिस बिदालाई सदुपयोग गरेर हामी चार जना मन मिल्ने साथीहरु नेपालगन्जबाट दाङ गएका थियौं । दाङबाट सोही दिन फर्किनुपर्ने बाध्यता हामीलाई थियो । आइतबार (हिजो) दिउँसोतिर हामी दाङबाट नेपालगन्जका लागि हिड्यौं ।
साथीहरु बीचको यात्रा भएकाले एकदमै रमाईलै भइरहेको थियो । यात्राका क्रममा साथीहरुबीच हाँसो, ठट्टा पनि चल्थ्यो । हामी आफ्नै सुरमा नेपालगन्जतिर फर्किरहेका थियौं । हामी जब दाङ र बाँकेको सिमाक्षेत्र शिवखोलामा आईपुग्यौं । त्यहाँ बाँके राष्ट्रिय निकुञ्ज सुरक्षार्थ नेपाली सेनाको चेकपोष्ट छ ।
चेकपोष्टका सेनाले बाटोमा मोटरसाईकलमा यात्रा गर्नेहरुलाई सम्झाई बुझाई गर्दा रहेछन् । हामीहरु समुहमा यात्रा गरिरहेको हुँदा सेनाले हामीलाई सम्झाएर छाडिदियो । चेकपोष्ट पार गर्ने वित्तिकै हाम्रो मुटुले ठाउँ छाड्न थाल्यो ।
चेकपोष्टका सेनाले बाटोमा मोटरसाईकलमा यात्रा गर्नेहरुलाई सम्झाई बुझाई गर्दा रहेछन् । हामीहरु समुहमा यात्रा गरिरहेको हुँदा सेनाले हामीलाई सम्झाएर छाडिदियो । चेकपोष्ट पार गर्ने वित्तिकै हाम्रो मुटुले ठाउँ छाड्न थाल्यो ।
कतै बाघले खाने त होईन हामीलाई ?’ तरपनि हामीले त्यो डरलाई भुलाउने कोसिस गरिरह्यौं । तर, राजमार्गको छेउछाउमा हेर्दै बाईक चलाउने काम गर्यौ । किनकी केहीदिन अघि मात्रै बाँकेको राप्ती सोनारी गाउँपालिका वडा नम्बर १ कुसुम(गाभर)मा बाघले मान्छे खाएको घटना हाम्रा दिमागमा ताजै थियो ।
बाघले मान्छे खाएको र पशु चौपाया खाएको खतरा क्षेत्रमा प्रवेश गर्दै थियौं । हामी सौरी र गाभर बीचमा पर्ने स्यानीखोली भन्ने ठाउँमा आईपुगेका थियौं, दुई वटा पाटेबाघ त राजमार्गकै छेउमा मज्जाले बसिरहेका रहेछन् ।
हामी यात्रा गर्दै शिवखोलाबाट कुसुम बजार आईपुग्यौं । कुसुम बजार क्रस गरिसकेपछि झन् मनमा अनेक डर पैदा हुन थाले । किनकी बाघले मान्छे खाएको र पशु चौपाया खाएको खतरा क्षेत्रमा प्रवेश गर्दै थियौं । हामी सौरी र गाभर बीचमा पर्ने स्यानीखोली भन्ने ठाउँमा आईपुगेका थियौं, दुई वटा पाटेबाघ त राजमार्गकै छेउमा मज्जाले बसिरहेका रहेछन् ।
ती बाघ यस्तो पोजिसनमा थिए, कि उनीहरु कसैलाई पनि एकैपटक झम्टिन सक्ने पोजिसनमा देखिन्थ्ये । हामीभन्दा करिव २० मिटर टाढाको दुरिमा थिए, ति बाघ । यदी बाघले हामीलाई आक्रमण गर्न चाहेको भए, मोटरसाईकलमा एकैचोटी जम्प गर्न सक्ने पोजिसनमा थिए । हामीहरुको त सातो नै उड्यो ।
यो पनि हेर्नुस्
गाभरमा मान्छे खाने पाटेबाघको जोडीले दिशा बदले ( भिडियो सहित )
‘अब बाँचिदैन, बाघले आज खाने भयो’ भन्ने मनमा लाग्यो । त्यसपछि भाग्यले बाँच्न सफल भएको मलाई अनुभुती भयो । बाघलाई देखेर हामी डरायौं, तर त्यो बाघको जोडीलाई कुनै डर थिएन । निर्धक्कसँग त्यहाँ बसिरहेका थिए । यो घटनाले मेरो मनमा अनेक प्रश्नहरु उब्जिएका छन् ।
राजमार्गमा अब पहिलेको जस्तो आफ्नै सुरमा मोटरसाईकलमा यात्रा गर्न ठिक रहेनछ । मान्छे खाएको बाघलाई अहिलेसम्म निकुञ्जले नियन्त्रणमा लिएको छैन । बाघको गतिविधी हेर्दा अझैपनि जंगली सिकार भन्दा मान्छे र पशु चौपायातिर ध्यान दिइरहेको देखिन्छ । तसर्थ, निकुञ्जले छिटो भन्दा छिटो बाघलाई नियन्त्रणमा लिएर राजमार्गमा उत्पन्न भइरहेको भयलाई कम गर्न जरुरी छ ।
भिडियो हेर्नुस् :
