एपिएफ पुरुष भलिबलको फाइनलमा

खेल

Home
खेल
एपिएफ पुरुष भलिबलको फाइनलमा

एपिएफ पुरुष भलिबलको फाइनलमा

दूरसञ्‍चार बुधबार, कात्तिक २, २०७९

पोखरा : पोखरा रंगशालामा जारी नवौं राष्ट्रिय खेलकुद प्रतियोगितता अन्तरगत भलिबल खेलमा विभागिय टिम एपिएफले गण्डकी प्रदेशमाथि ३-० को सोझो सेटमा जित निकालेको छ । जितसँगै एपिएफ फाइनलमा प्रवेश गरेको छ ।

फाइनल खेलमा एपिएफ आर्मीसँग खेल्नेछ । एकपक्षीय खेलमा एपिएफले २५-२१, २७-२५ र २५-१५ को सोझो सेटमा जित निकालेको छ । पहिलो सेटमा एकसमय १६-१७ कोे स्थिति रहँदा एपिएफले अग्रता जित निकाल्न सफल भयो ।

प्रतिस्पर्धात्मक बनेको दोस्रो सेटमा गण्डकीले बलियो चुनौती पेश गरेपनि एपिएफलाई रहँदा सकेन । तेस्रो सेटमा गण्डकी झनै निरिह बन्दा पराजित हुन पुग्यो । घरेलु मैदानमा खेलिरहेको गण्डकी प्रदेशको समर्थनमा बाक्ले दर्शकको उपस्थिति रहेको थियो । एपीएफ र गण्डकी प्रदेशको खेल भइरहँदा युवा तथा खेलकुद मन्त्री महेश्वर गहतराज अथक पनि खेल स्थलमा पुगेका थिए ।

आयोजकका अनुसार अब एपिएफले उपाधिका लागि बिहीबार आर्मीसँग प्रतिस्पर्धा गर्नेछ । आर्मीले बुधबारै अर्को विभागीय टोली नेपाल पुलिस क्लबलाई ३-१ को सेटमा हराएर फाइनलमा पुगेको छ । पुलिस र गण्डकीबीच बिहीबारै तेस्रो स्थानको लागि प्रतिस्पर्धा हुनेछ ।

प्रकाशित मिति: बुधबार, कात्तिक २, २०७९ २२:०३

प्रतिक्रिया दिनुहोस्