खेलकुद मन्त्री गहतराजले घरमै पुगेर दिए स्वर्गीय खेलाडी थापाको परिवारलाई समवेदना

खेल

Home
खेल
खेलकुद मन्त्री गहतराजले घरमै पुगेर दिए स्वर्गीय खेलाडी थापाको परिवारलाई समवेदना

खेलकुद मन्त्री गहतराजले घरमै पुगेर दिए स्वर्गीय खेलाडी थापाको परिवारलाई समवेदना

दूरसञ्‍चार बिहीबार, कात्तिक ३, २०७९

पोखरा : युवा तथा खेलकुद मन्त्री महेश्वर गहतराज अथकले नवौं राष्ट्रिय खेलकुदमा सहभागी हुने क्रममा दुर्घटनाबाट निधन भएका प्याराग्लाइडिङ खेलाडी निसिम थापाको परिवारलाई घरमै पुगेर समवेदना दिएका छन ।
प्रतियोगिता अन्तरगत आइतबार बिहान पोखराको सराङकोटमा 'क्रस कन्ट्री' खेलमा दुर्घटना हुँदा उनको निधन भएको थियो । बिभागिय टोली त्रिभुवन आर्मी क्लबको तर्फबाट खेलमा सहभागी थापा करिव १ सय मिटर उचाईबाट खसेका थिए । दुर्घटना लगत्तै दु:ख व्यक्त गरेका मन्त्री गहतराजले बिहीबार बिहानै पोखरास्थित थापाको घरमा पुगेर थापाप्रति भावपुर्ण श्रद्धाञ्जली दिदै परिवारहरुमा गहिरो समवेदना प्रकट गरेका हुन् ।
'खेलाडी निसिम थापाको निधनबाट राष्ट्रले ठुलो क्षति व्यहोरेको छ, शोकको यो घडीलाई शक्तिमा बदल्न म नेपाल सरकारको तर्फबाट अनुरोध गर्दछु,' मन्त्री गहतराजले भने । सो क्रममा मन्त्री गहतराजले सम्मान स्वरुप स्वर्गीय थापालाई चेक सहित मरनोपरान्त स्वर्ण पदक प्रदान गरेका थिए ।
यस्तै रंगशाला परिसरमा अर्धकदको शालिक स्थापना गरिने उनलेे प्रतिवद्दता जनाएका छन । सरकार र खेलकुद मन्त्रालयले स्वर्गीय खेलाडी थापाको विषयमा आवश्यक निर्णय गर्ने बताए । सो क्रममा राखेपका सदस्य दिपेन्द्र बिस्ट, खेलाडी लगायतको उपस्थिती रहेको थियो । खेलकुद परिषदले उनको बिमा समेत गरिदिएको थियो । बिमा कम्पनीबाट रकम निकासाका लागि खेलकुद परिषदले पहल गर्ने राखेपका सदस्य दिपेन्द्र बिस्टले जानकारी दिए ।