बाँकेको चिसापानीमा अन्तर क्लब फुटबल प्रतियोगिता सञ्चालन

खेल

Home
खेल
बाँकेको चिसापानीमा अन्तर क्लब फुटबल प्रतियोगिता सञ्चालन

बाँकेको चिसापानीमा अन्तर क्लब फुटबल प्रतियोगिता सञ्चालन

दूरसञ्‍चार बुधबार, चैत १, २०७९

बाँके (चिसापानी) : बाँकेको बैजनाथ गाउँपालिका वडा नम्बर १ चिसापानीमा गाउँपालिका स्तरिय अन्तर क्लब फुटबल प्रतियोगिता सञ्चालनमा आएको छ । बैजनाथ गाउँपालिकाको आर्थिक सहयोगमा बैजनाथ खेलकुद विकास समितिको आयोजना तथा स्थानीय क्लबको सहजीकरणमा प्रतियोगिता सञ्चालन गरिएको हो ।

प्रतियोगिताको बुधबार कार्यक्रमका प्रमुख अतिथी एवम् गाउँपालिकाका अध्यक्ष प्रकाशबहादुर शाहीले उद्घाटन गरेका छन् । प्रतियोगितामा विभिन्न १३ वडा क्लबको सहभागिता रहेको छ । उक्त प्रतियोगिता आगामी चैत ७ गतेसम्म सञ्चालन हुनेछ ।

प्रतियोगितामा पहिलो हुने टिमले नगद ७० हजार, ट्रफी र प्रमाणपत्र तथा दोस्रो हुने टिमले नगद ३५ हजार, ट्रफी र प्रमाणपत्र प्राप्त गर्ने आयोजकले जनाएको छ । प्रतियोगिता उद्घाटन कार्यक्रमलाई गाउँपालिका अध्यक्ष शाही, वडा नम्बर १ का वडाअध्यक्ष रुपबहादुर मल्ल, वडा नम्बर ४ का वडाअध्यक्ष प्रेम शाही लगायतले सम्बोधन गरेका थिए ।

प्रकाशित मिति: बुधबार, चैत १, २०७९ २३:३६

प्रतिक्रिया दिनुहोस्