दशैँका लागि अग्रिम टिकट लिने यात्रुको संख्या कम

समाज

Home
समाज
दशैँका लागि अग्रिम टिकट लिने यात्रुको संख्या कम

दशैँका लागि अग्रिम टिकट लिने यात्रुको संख्या कम

काठमाडौं : काठमाडौँ उपत्यकाबाट बाहिरिन अग्रिम टिकट काट्ने यात्रुको संख्या कम रहेको छ । दशैँ तिहार लगायतका चाडपर्वमा घर फर्किने यात्रुको चाप यसअघि अत्यधिक मात्रामा हुने गरेको थियो । कोभिड-१९ का कारण कम संख्या यात्रुले टिकट काटेको पाइएको हो ।

सामान्य अवस्थामा भन्दा चाडपर्वमा यस वर्ष उपत्यकाबाट बाहिरिने यात्रु ३० प्रतिशत मात्र रहेको यातायात व्यवसायीले बताएका छन् । नेपाल यातायात व्यवसायी राष्ट्रिय महासंघका महासचिव सरोज सिटौलाले कोभिड-१९ का कारण घर फर्किने यात्रुको संख्या कम भएको हुनसक्ने बताए । यस वर्ष यात्रुलाई घर फर्कन समस्या नहुने बताउँदै उनले भने, ‘गत वर्ष यात्रुको चाप कम गर्न अग्रिम टिकट खुलाइएको थिएन, यसवर्ष समयमै खुलाउँदा चाप कम देखिन्छ ।’

यस पटक टिकट काउन्टरमा यात्रुको भीडभाड नै छैन । विगत वर्षमा दशैँमा घर फर्किनेमध्ये विद्यार्थीको संख्या अत्यधिक हुन्थ्यो । यस वर्ष भने विद्यालय र क्याम्पस बन्द रहेका कारण उपत्यकामा विद्यार्थीको संख्या न्यून रहेको छ ।

प्रकाशित मिति: बिहीबार, असोज १४, २०७८ ०८:४५

प्रतिक्रिया दिनुहोस्