नेपालगन्ज : तेस्रो नेपालगन्ज फोटो फेस्टिबल शुक्रबारबाट सुरु भएको छ । उक्त फेस्टिबलको नेपाली काँग्रेसका सहमहामन्त्री एवम् बाँके क्षेत्र नम्बर ३ का संघिय सांसद किशोर राठौरले उद्घाटन गरेका हुन् ।
वर्ष फोटो घोषणा गरी तस्बिरको फोटो खिचेर उनले उद्घाटन गरेका थिए । अन्तरालको आयोजनामा नेपालगन्जको होटल बाटिकामा फेस्टिबल सञ्चालन भइरहेको छ । बास नेपाल, नेपालगन्ज ग्यालरी र रक्षकको सहकार्यमा भएको उक्त फोटो फेस्टिबल शनिबारसम्म चल्नेछ ।
सहमहामन्त्री राठौरले फोटो फेस्टिल नेपालगन्जमा आयोजना गरिनु खुसीको कुराको भएको बताउँदैं साविक मध्य र सुदुरपश्चिम क्षेत्र विकासका दृष्टिले पछि परेकोले यस्ता कार्यक्रमले यस क्षेत्रको विकासमा सहयोग गर्ने विश्वास गरे । देशको विकास गर्ने कुरामा यस्ता कार्यक्रम नेपालगन्जमा आवश्यक रहेको बताए । नेता राठौरले बाँके र बर्दियाको विकासमा आफुले इमान्दार भएर काम गर्ने बताए ।
नेपालगन्ज फोटो फेस्टिबलमा फोटो प्रतियोगिताको आठ विधामा आएका मध्ये १ सय १५ उत्कृष्ठ फोटाहरु भने नेपालगन्ज ग्यालरीमा प्राप्त बाँकेका एक से एक फोटोहरु प्रर्दशनीमा राखिएका छन् । फोटो प्रतियोगितामा डेलिलाईफ, कल्चर, टुरिजम, नेचर एण्ड कन्जरभेसन, स्र्पोट्स, नेपाल स्माईल, एग्रीकल्चर र न्युज बिधामा करिव २ हजार फोटोको सहभागिता रहेको थियो ।
एग्रीकल्चर बिधामा आएको राजबहादुर शाहीले खिचेको मुगुको छायाँनाथ रारा नगरपालिका स्थित ताल्चा गाउँकी एक महिला रुखमा लटरम्भ फलेको स्याउ टिप्दै गरेको तस्बिरले फोटो अफ दी ईअरको उपाधी जित्यो भने न्युज बिधामा मोती बिन्दुको अपरेसन गरेर पाँच बर्षपछी पुनः आँखा देख्न पाएका रामेछाप भतौलिका ८० बर्षिय रुद्रलाल तामाङ डा. सन्दुक रुइतको नाक छोएको अंगद ढकालले खिचेको फोटो उत्कृष्ठ भयो ।
यस्तै ढकालले नै खिचेको फोटो नेपाल स्माईलमा उत्कृष्ठ हुँदा शाहीले खिचेको मुगुमा जोत्दै गरेको किसानको फोटो कृषि बिधातर्फ उत्कृष्ठ हुन सफल भयो । यसैगरी बबी साईको पोखरामा बराहा भैरव नाचको तस्बिरले कल्चर बिधामाउत्कृष्ठ हुदामकवानपुरको हेटौडामा पाडोलाई झोलुङ्गे पुल तराउदै गरेको मनोज पौडेलको तस्बिर डेलि लाईफमा उत्कृष्ठ भयो ।
नेचर एण्ड कन्र्जरभेसनमा श्रीराम खत्रीको काठमाडौंको टौदहमा पानीबाट माछा मार्दै ग्रेट कर्मोरान्टहरू तस्बिर उत्कृष्ठ भयो भने क्रिकेटमा क्याचलिन प्रयास गर्दैैै गरेको सत्यम जोशीको तस्बिर स्र्पोट्स बिधामा उत्कृष्ठ भयो । टुरिजम बिधामा भने सिर्जना ओलीको तस्बिर उत्कृष्ठ भयो ।
नेपाल पत्रकार महासंघका केन्द्रिय सदस्य तथा बरिष्ठ फोटो पत्रकार विकास कार्की, फोटो पत्रकार क्लबका अध्यक्ष श्रुती श्रेष्ठ र बरिष्ठ फोटोगा्रफर रमेश मल्ल रहेको निर्णायक समितीले उत्कृष्ठ फोटोहरुको छनौट गरेको थियो ।
मोफसलमा क्षेत्रीय स्तरमा सुरुवात भएको फोटो फेस्टिबल राष्ट्रिय स्तरमा स्थापित भएकोमा खुशी ब्यक्त गर्दैै नेपालको प्रवद्र्धन गर्ने फोटोहरुलाई मात्र नभएर फोटोग्राफर हरुलाई पनि फोटोसँगै प्रबद्र्धन गर्नुपर्ने र फेस्टिबलले नेपालको फोटो ग्राफीको प्रवद्र्धन गर्न महत्वपूर्ण भूमिका खेल्ने नेपाल पत्रकार महासंघका केन्द्रिय सदस्य तथा वरिष्ठ फोटो पत्रकार विकास कार्कीले बताए ।
८ विधामा फोटो प्रतियोगिता आयोजना गरिएको अन्तरालका प्रमुख कार्यकारी जयनारायण शाहले बताए । प्रत्येक बिधाको उत्कृष्ठ फोटोलाई नगद ५ हजार र प्रतियोगिताको सर्वोकृष्ठ फोटोलाई नगद २५ हजार ५ सय पचपन्न रुपैया पुरस्कार समापनको दिन प्रदान गरिने पनिशाहले बताए ।
सो क्रममा लुम्बिनी प्रदेशका सांसद सञ्जुकुमारी चौधरी, बाँकेका निमित्त प्रमुख जिल्ला अधिकारी टोपेन्द्र केसी, जिल्ला प्रहरी प्रमुख सन्तोषसिंह राठौंर, गैर सरकारी संस्था महासंघ बाँकेका अध्यक्ष चन्द्र तिमिल्सेना, नेपालगन्ज उद्योग ब्यवसायी संघका पुर्वअध्यक्ष नन्दलाल बैश्य लगायतको उपस्थिती रहेको थियो ।
