सर्पले टोक्दा सुत्केरीसहित दुई महिलाको मृत्यु

समाज

Home
समाज
सर्पले टोक्दा सुत्केरीसहित दुई महिलाको मृत्यु

सर्पले टोक्दा सुत्केरीसहित दुई महिलाको मृत्यु

फाइल तस्बिर ।

रुकुम पश्चिम : रुकुम पश्चिममा सर्पको टोकाइबाट सुत्केरीसहित दुई महिलाको मृत्यु भएको छ । चौरजहारी नगरपालिका-१३ रातामाटाकी २२ वर्षीया सुत्केरी विनिता ओली विष्ट र जिल्लाको सानीभेरी गाउँपालिका-१ जगल गाउँकी ६१ वर्षीया गंगी पुनको मृत्यु भएको हो ।

सुत्केरी २२ वर्षीया विष्टलाई मंगलबार दिउँसो बारीमा गाईवस्तुलाई घाँस काट्ने क्रम सर्पले टोकेको थियो । सोही दिन राति विष्टले छोरीलाई जन्म दिएकी थिइन् । तर सुत्केरी आमाको रक्तश्राव नरोकिएपछि उपचारका लागि चौरजहारी अस्पताल लगिएको थियो । सर्पको विष शरीरमा फैलिएको र रक्तश्रावका कारण विष्टको मृत्यु भएको चौरजहारी अस्पतालका प्रशासक डिलबहादुर गिरीले बताए ।

शिशुको पनि अवस्था गम्भीर रहेको उनले बताए । शिशु जन्मने अवधि कात्तिक महिना भएपनि समय नपुग्दै शिशुको जन्म मंगलबार नै भएको थियो । गंगी पुनलाई भने सर्पले भदौं ४ गते नै टोकेको थियो । सर्पले टोकेपछि पुनलाई चौरजारी अस्पताल हुँदै प्रादेशिक अस्पताल सुर्खेत पुर्याइएको थियो ।

अस्पतालबाट गाउँमै उपचार गर्ने भनेर घर परिवारले घर ल्याएको चार दिनपछि पुनको घरमा मृत्यु भएको वडाअध्यक्ष टेकबहादुर पुनले बताएका छन् ।

प्रकाशित मिति: बिहीबार, भदौ २१, २०८० ०७:५६

प्रतिक्रिया दिनुहोस्