त्रिभुवन आर्मी मुख्यमन्त्री कोहलपुर गोल्डकपको फाइनलमा

खेल

Home
खेल
त्रिभुवन आर्मी मुख्यमन्त्री कोहलपुर गोल्डकपको फाइनलमा

त्रिभुवन आर्मी मुख्यमन्त्री कोहलपुर गोल्डकपको फाइनलमा

कोहलपुर : त्रिभुवन आर्मी फुटबल क्लब मुख्यमन्त्री कोहलपुर गोल्डकपको फाइनलमा प्रवेश गरेको छ । कोहलपुरस्थित तेह्र विघा खेल मैदानमा सोमबार भएको खेलमा दुधौली स्पोर्ट क्लब सिन्धुलीलाई पराजित गर्दै त्रिभुवन आर्मीले ४-१ गोलको जित निकालेको हो ।

दुधौली स्पोर्ट क्लब सिन्धुलीका खेलाडी अजयकुमार श्रीवास्तवले खेल सुरु भएको २९ औं मिनेटमा गोल गरे । जवाफमा त्रिभुवन आर्मीका खेलाडी टंक बस्नेतले ३४ औं र ६१ औं मिनेटमा गोल गरे ।

आर्मीकै खेलाडी मानबहादुर आले मगरले खेल सुरु भएको ७३ औं मिनेटमा र मदन लिम्बुले ८३ औं मिनेटमा गोल गरेर टिमलाई जित दिलाए । त्रिभुवन आर्मीका खेलाडी मानबहादुर आले मगर म्यान अफद म्याच घोषित भएको खेल संयोजक रामबहादुर मल्लले जानकारी दिएका छन् । उनले नगद ५ हजार प्राप्त गरे ।

गोल्डकप उपाधिका लागि त्रिभुवन आर्मी र चर्च व्वाईज यूनाइटेड क्लबबीच खेल हुने आयोजकले जनाएको छ । दुबै टिमबीच बुधबार प्रतिस्पर्धा हुने आयोजक रेसिङ साहारा क्लब कोहलपुरका अध्यक्ष चक्र क्षेत्रीले बताए ।

चर्च व्वाईजले गोर्खा व्वाईजलाई पराजित गरेर फाइनलमा प्रवेश गरेको थियो । उक्त प्रतियोगितामा ८ वटा टिम सहभागी छन् । प्रतियोगिताका विजेताले नगद ८ लाख र उपविजेताले नगद ४ लाखसहित ट्रफी र प्रमाणपत्र प्राप्त गर्ने आयोजकले जनाएको छ ।

प्रकाशित मिति: सोमबार, कात्तिक २०, २०८० २२:११

प्रतिक्रिया दिनुहोस्