नेपालगन्ज : नेपालगन्ज रंगशालास्थित पौडी पोखरीमा पहिलो पटक आयोजना गरिएको लुम्बिनी प्रदेशस्तरीय स्विमिङ प्रतियोगिता सम्पन्न भएको छ ।
नेपालगन्ज स्विमिङ क्लबले शनिबार आयोजना गरेको प्रतियोगिताको ५० मिटरको खुल्ला पुरुषतर्फको बटरफ्लाईमा नेपालगन्जकाअमित रावलले स्वर्ण, दाङका सुवास पाण्डेले रजत र नेपाली सेनाका भुवन बोटेले कास्य पदक प्राप्त गरे ।
यस्तै ५० मिटरकै खुल्ला पुरुष फ्रिस्टाइलमा दाङका सुवास पाण्डेले स्वर्ण, नेपाली सेनाका भुवन बोटेले रजत र नेपालगन्जका अमित रावलले कास्य पदक प्राप्त गरे ।
महिलाको ५० मिटर खुल्ला फ्रिस्टाइलमा सुप्रिया रावलले स्वर्ण, डा. महिमा शाहले रजत र जमुना डाँगीले कास्य पदक प्राप्त गरेका छन् । सोही प्रकारले १५ वर्ष मुनिका बालिकाको ५० मिटर फ्रिस्टाइलमा जमुना डाँगीले स्वर्ण, संस्कृति अधिकारीले रजत र कश्वी गुरुङले कास्य पदक जिते ।
![Paudi Winner1699725912.jpeg](https://www.dursanchar.com/uploads/posts/Paudi Winner1699725912.jpeg)
यस्तै १४ वर्ष मुनिका बालकको ५० मिटर फ्रिस्टाइलमा अनमोल केसीले स्वर्ण, श्यामुल सुनारले रजत र उज्वल क्षेत्रीले कास्य पदक प्राप्त गरे । यसैगरी १२ वर्षमुनिका बालकको ५० मिटर फ्रिस्टाइलमा इभान्सु भट्टराईले स्वर्ण, प्रज्वल रानाले रजत र सिजन थापाले कास्य पदक प्राप्त गरे ।
१२ वर्ष मुनिका बालिकको ५० मिटर फ्रिस्टाइलमा सारिकाले स्वर्ण र आरोशी डि.सी.ले रजत पदक प्राप्त गरे । त्यसैगरी १० वर्ष मुनिका बालकको २५ मिटर फ्रिस्टाइलमा सुशान्त बोहोराले स्वर्ण,बसन्त थारुले रजत र मनन शर्माले कास्य पदक जिते ।
त्यस्तै १० वर्ष मुनिका बालिकाको २५ मिटर फ्रिस्टाइलमा समृद्धि न्यौपानेले स्वर्ण र प्रिसेस जिसीले रजत पदक जिते । त्यस्तै ८ वर्ष मुनिका बालकको २५ मिटर फ्रिस्टाइलमा संस्कार न्यौपानेले स्वर्ण, सुमित वाग्लेले रजत र रिजन बोहोराले कास्य पदक जिते ।
पदक विजेता खेलाडीलाई नेपाल पौडी संघका केन्द्रिय अध्यक्ष अशोक बज्राचार्य, लुम्बिनी प्रदेश खेलकुद परिषदका सदस्य सचिव जय भट्टराई, नेपालगन्ज उपमहानगरपालिकाका मेयर प्रशान्त विष्ट, नेपालगन्ज स्विमिङ क्लबका अध्यक्ष केशवराज न्यौपाने लगायतले मेडल, प्रमाणपत्र र पुरस्कार वितरण गरेका थिए ।
प्रतियोगितामा बाँके, बर्दिया, दाङ, रुपन्देही र नवलपरासी जिल्लाका ५६ जना खेलाडीले प्रतिष्पर्धा गरेका थिए ।
२०७६ सालमा नेपालगन्जमा सम्पन्न भएको आठौं राष्ट्रिय खेलकुद प्रतियोगिताका लागि १९ करोडको लागतमा निर्माण गरिएपनि खेल हुन नसकेको सो पौडी पोखरीमा पहिलो पटक यस्तो प्रतियोगिता आयोजना गरिएको हो ।