ओली वंशको उद्गमस्थल चित्रीपाटनमा शिवलिंङ्ग स्थापना

समाज

Home
समाज
ओली वंशको उद्गमस्थल चित्रीपाटनमा शिवलिंङ्ग स्थापना

ओली वंशको उद्गमस्थल चित्रीपाटनमा शिवलिंङ्ग स्थापना ओली वंशको पहिलो कृति पनि विमोचन

रुकुम (पश्चिम) : ओली वंशको ऐतिहासिक उद्गमस्थल रुकुम(पश्चिम)को आठविसकोट नगरपालिका वडा नम्बर ४ स्थित चित्रीपाटनमा शिवलिंङ्ग स्थापना गरिएको छ । ओली वंश समन्वय समाज नेपाल केन्द्रीय समितिको आयोजनामा बुधबार (२०८० चैत २८ गते) शिवलिंङ्ग स्थापना गरिएको हो ।

ओली वंश समन्वय समाजका केन्द्रीय अध्यक्ष हरि ओलीका अनुसार २ सय किलो तौल भएको शिवलिंङ्गसँगै ८० किलो तौलको बसाह, १५ फिटको त्रिसुल र ९ किलोको घन्टी स्थापना गरियो । सो क्रममा ओली वंशको पहिलो कृति पनि विमोचन गरिएको अध्यक्ष हरि ओलीले जानकारी दिए । समुन्द्र सतहबाट ४ हजार २ सय २५ मिटर उचाईमा रहेको चित्रीपाटनमा करिव १७ जिल्लाका ओली वंश परिवारको उपस्थिती रहेको थियो ।

कार्यक्रमका प्रमुख अतिथी एवम् आठबिसकोट नगरपालिकाका मेयर रबि केसीको प्रमुख आतिथ्यता सम्पन्न कृति विमोचन कार्यक्रममा विभिन्न जिल्लाका ओली वंशसहित कुल ७५ जनाको उपस्थिती रहेको थियो । सो क्रममा ओली वंश समन्वय समाज नेपाल केन्द्रीय समितिका पदाधिकारी, प्रदेशका पदाधिकारी लगायतको उपस्थिती रहेको थियो ।