धम्बोझी क्लबलाई ‘ए’ डिभिजन जिल्ला लिग उपाधि

खेल

Home
खेल
धम्बोझी क्लबलाई ‘ए’ डिभिजन जिल्ला लिग उपाधि

धम्बोझी क्लबलाई ‘ए’ डिभिजन जिल्ला लिग उपाधि

नेपालगन्ज : नेपालगन्जको धम्बोझी क्लबले बाँके जिल्ला ‘ए’ डिभिजन लिग फुटबल प्रतियोगिता-२०८१ को उपाधि हात पारेको छ । कोहलपुरस्थित १३ बिघा फुटबल मैदानमा भएको फाइनल खेलमा धम्बोझीले कोहलपुर रेसिङ सहारा क्लबलाई २-० गोलले हराएर उपाधि जितेको हो । जितसँगै धम्बोझीले लुम्बिनी प्रदेश स्तरीय लिग फुटबलमा बाँके जिल्लाको प्रतिनिधित्व गर्ने भएको छ ।

जितका लागि धम्बोझीका क्षितिज थापा मगर र मनिष सुनारले १–१ गोल गरे । क्षितिजले खेलको १२ औं र मनिषले ६५ औं मिनेटमा गोल गरेका हुन् । च्याम्पियन बनेको धम्बोझीले नगद १ लाख र उप–विजेता कोहलपुर रेसिङ सहारा क्लबले नगद ५१ हजारसहित, ट्रफी, मेडल तथा प्रमाण पत्र प्राप्त गरेका छन् ।

विजेता तथा उप–विजेता टिम लगायत खेलाडीलाई प्रमुख अथिती एवम् कोहलपुर नगरपालिका नगर प्रमुख पूर्णप्रसाद आचार्य, बाँके जिल्ला फुटबल संघका अध्यक्ष एवम एन्फा सदस्य भोजराज शाही, राष्ट्रिय खेलकुद परिषदका सदस्य दिपेन्द्र बिष्ट, एन्फाका पुर्वउपाध्यक्ष गोर्वधनसिंह सम्झना, लुम्बिनी प्रदेश खेलकुद परिषदका सदस्य जनक केसी, नेपाल पत्रकार महासंघ बाँकेका पुर्व अध्यक्ष निरज गौतम लगायतले पुरस्कृत गरेका थिए । खेलमा धम्बोझीका क्षितिज थापामगर सर्वोत्कृष्ट खेलाडी घोषित भए ।

प्रकाशित मिति: बिहीबार, असार १३, २०८१ २२:१८

प्रतिक्रिया दिनुहोस्