सिद्धेश्वरलाई राष्ट्रपति रनिङ शिल्ड तथा सातौं अध्यक्ष कपको उपाधि

खेल

Home
खेल
सिद्धेश्वरलाई राष्ट्रपति रनिङ शिल्ड तथा सातौं अध्यक्ष कपको उपाधि

सिद्धेश्वरलाई राष्ट्रपति रनिङ शिल्ड तथा सातौं अध्यक्ष कपको उपाधि लक्ष्मी मावि मदुईले दोस्रो स्थानमा चित्त बुझायो

बाँके(राप्ती सोनारी) : १७ औं राष्ट्रपति रनिङ शिल्ड छनोट प्रतियोगिता तथा सातौं राप्ती सोनारी गाउँपालिका अध्यक्ष कप खेलकुद प्रतियोगिताको उपाधि सिद्धेश्वर माध्यामिक बिद्यालय सिधनवा, फत्तेपुरले हात पारेको छ । शिवशक्ति माध्यामिक बिद्यालयको ब्यवस्थापनमा राप्ती सोनारी गाउँपालिका खेलकुद शाखाले सम्शेरगन्जस्थित पेरानीमा उक्त प्रतियोगिता सञ्चालन गरेको थियो ।

समापन समारोहमा शुक्रबार राप्ती सोनारी ६ मा रहेको शिद्धेश्वर माविलाई प्रथम घोषणा गरियो । शिद्धेश्वर प्रथम भएसँगै उसले शिल्ड उचालेको छ । खेलकुद शाखाले दिएको जानकारी अनुसार शिद्धेश्वर माविले १६ वटा स्वर्ण, ४ वटा रजत र ४ वटा काश्य पदक हात पारेको छ । यस्तै दोस्रो स्थानमा चित्त बुझाएको लक्ष्मी माध्यामिक बिद्यालय मदुईले ८ स्वर्ण, ४ रजत र १० काश्य पदक जितेको छ । उक्त बिद्यालय राप्ती सोनारी गाउँपालिका वडा नम्बर २ मा अवस्थित छ ।

यसैगरी शिवशक्ति माध्यामिक बिद्यालय पेरानी राप्ती सोनारी ८ ले ६ स्वर्ण, १२ रजत र ९ काश्य पदक जितेर तेस्रो स्थान सुरक्षित गरेको शिवशक्ति माविका प्रधानाध्यापक पुष्कर खड्काले जानकारी दिए । प्रतियोगिताका विजेतालाई राप्ती सोनारी गाउँपालिका अध्यक्ष तप्तबहादुर पौडेलसहित विभिन्न अतिथीले पुरस्कृत गरेका थिए । उक्त प्रतियोगिता बुधबारबाट सञ्चालनमा आएको थियो ।

प्रकाशित मिति: शुक्रबार, पुस १२, २०८१ २३:५८

प्रतिक्रिया दिनुहोस्