नेपालगन्ज : सिद्धार्थ कटेज नेपालगन्जले दोस्रो म.म. फेस्टिवल गर्ने भएको छ । नयाँ वर्ष २०२५ को सुरुवात सँगै म.म. फेस्टिवल गर्न लागिएको हो । सिद्धार्थले यसअघि नेपालगन्जमा पहिलो पटक २०८० माघ ११, १२ र १३ गते फेस्टिवल गरेको थियो । पहिलो म.म. फेस्टिभलमा ४० भन्दा बढी प्रकारका म.म. राखिएका थिए । कटेज परिसरमा यही पुस २५,२६ र २७ गते दोस्रो म.म.फेस्टिवल गर्न लागिएको मंगलबार पत्रकार सम्मेलन गरेर जानकारी दिइएको छ ।
तीन दिन सम्म चल्ने म.म. फेस्टिभलमा प्रत्येक दिन फरक/फरक कलाकारको बेजोड प्रस्तुती रहने सिद्धार्थ कटेज नेपालगन्जका अप्रेशन म्यानेजर पदम न्यौपानेले बताए । फेस्टिवलको पहिलो दिन स्थानीय कलाकारलाई प्राथमिकता दिँदै मोहिनी पौडेल सहितको टिमले नृत्य प्रस्तुत गर्नेछ । फेस्टिभलको दोस्रो दिन नेपालगन्जकै स्थानीय लाईभ ब्याण्ड द समय ब्याण्ड सँग-सँगै म.म. मेकिङ एण्ड कुकिङ कम्पिटिसन पनि गरिनेछ ।
म.म.मेकिङ एण्ड कुकिङ कम्पिटिसनको लागि निःशुल्क नाम दर्ता गर्न सकिनेछ । नाम दर्ता गर्नका लागि सिद्धार्थ कटेज नेपालगन्जको रिसेप्सनमा गएर दर्ता गर्न सकिनेछ । म.म. फेस्टिभलको अन्तिम दिन राष्ट्रिय कलाकार पशुपति शर्मा सँगै स्थानीय कलाकारको लाइभ दोहोरी र नृत्यसँगै कम्युनिटी कुकिङ कम्पिटिसन पनि रहने बताइएको छ ।
पत्रकार सम्मेलनमा सिद्धार्थ होटेल नेपालगन्जका जनरल म्यानेजर बद्री कोईरालाले फुड कल्चर बसाउनका लागि म.म. फेस्टिवल गर्न लागिएको बताए । सो क्रममा सिद्धार्थका क्लस्टर सेल्स एण्ड मार्केटिङ म्यानेजर नवीन भट्ट, गेस्ट सन्दिप खत्री लगायतको उपस्थिती रहेको थियो ।
सिद्धार्थ कटेज नेपालगन्ज कै मुटुमै रहेको पारिवारिक वातावरण भएको रेस्टुरेन्ट हो । नेपालगन्जमै होटल सिद्धार्थ चारतारे लगजरी होटलसँगै सिद्धार्थ गु्रप अन्तर्गत देशभरका विभिन्न स्थानमा होटेल, रिसोर्ट, रेष्टुरेन्ट, क्याफे सहित ३० वटा आउटलेटहरु सञ्चालन गर्दै आएको छ ।
