'लुम्बिनी कप महिला फुटबल प्रतियोगिता' अब बैशाखमा हुने

खेल

Home
खेल
'लुम्बिनी कप महिला फुटबल प्रतियोगिता' अब बैशाखमा हुने

'लुम्बिनी कप महिला फुटबल प्रतियोगिता' अब बैशाखमा हुने

नेपालगन्ज : 'लुम्बिनी कप अन्तराष्ट्रिय आमन्त्रण महिला फुटबल प्रतियोगिता' को मिति पछाडी सारिएको छ । यही फागुन १९ (भोलि) देखि २९ गते सम्म नेपालगन्ज रंगशालामा हुने तय भएपनि प्रतियोगिता आगामी बैशाख ५ गतेसम्मका लागि सारिएको हो ।आयोजक अन्तरालले नेपालगन्जमा आइतबार गरेको पत्रकार सम्मेलनमा आगामी बैशाख ५ गतेदेखि १५ गते सम्म प्रतियोगिता गर्ने जानकारी दियो ।

पत्रकार सम्मेलनमा अन्तरालका प्रमुख कार्यकारी जयनारायण शाहले प्राविधिक कारणले गर्दा प्रतियोगिताको मिति सारिएको जानकारी दिए । ‘प्राविधिक कारणले गर्दा प्रतियोगिताको आयोजना मिति पछाडी सारेका छौं, नयाँ मितिमा भब्यताका साथ प्रतियोगितालाई सफल बनाइनेछ,’ उनले भने ।

उक्त प्रतियोगितामा नेपालका चर्चित क्लब, विभागीय टिम तथा भारतीय महिला फुटबल टिमलाई आमन्त्रण गरिएको आयोजकले जनाएको छ । बाँके जिल्ला फुटबल संघको समन्वयमा हुन लागेको प्रतियोगिताले महिला फुटबलको अवस्थालाई माथी उकास्ने विश्वास गरिएको छ । प्रतियोगितामा आयोजक टिम सहित कुल ८ वटा टिम सहभागी हुने भएका छन् ।

पत्रकार सम्मेलनमा मध्यपश्चिम क्षेत्रीय खेलकुद विकास समिति नेपालगन्जका कार्यालय प्रमुख महेश चन्द, प्रतियोगिताका प्रचार–प्रसार उपसमिति संयोजक निरज गौतम, सचिवालय प्रमुख रमेश मल्ल, समन्वय तथा परिचालन उप-समिति संयोजक तेजबिक्रम शाहले मिति पछाडी सरेपनि थप ब्यवस्थित ढंगले प्रतियोगिता सञ्चालन हुने बताए । सो क्रममा पत्रकार महासंघ बाँकेका अध्यक्ष नवीन गिरीसहित विभिन्न सञ्चार माध्यममा कार्यरत पत्रकारको उपस्थिती रहेको थियो ।

प्रकाशित मिति: आइतबार, फागुन १८, २०८१ २१:०२

प्रतिक्रिया दिनुहोस्